​ХОЁР АЙМАГТ ГАЗАР ХӨДӨЛЖЭЭ

Хоёр аймагт газар хөдлөлт болсон талаар ОБЕГ-аас мэдээллээ. Тодруулбал, энэ сарын 15-ны 02 цаг 42 минут 33 секундэд Баянхонгор аймгийн Баацагаан сумаас баруун зүгт 47 км-ийн зайнд 3,9 магнитудын хүчтэй газар хөдлөлт болжээ. Мөн энэ сарын 14-нд Улаанбаатрын цагаар 08.31 цагт Дундговь аймгийн Сайхан-Овоо сумаас хойд зүгт 32 км-ийн зайнд 4,5 магнитудын хүчтэй газар хөдөлсөн байна.Жил ирэх тутам Монгол Улсын хэмжээнд газар хөдлөлтийн идэвхжил нэмэгдэж байгаа талаар холбогдох албаныхан анхааруулсан. 2010-2016 онд улсын хэмжээнд 3.5-аас дээш магнитудын хүчтэй газар хөдлөлтийн чичирхийлэл жилд дунджаар 44 удаа тохиож байжээ.