“ЭРДЭНЭТ” ҮЙЛДВЭРИЙН ЕРӨНХИЙ ЗАХИРАЛ АСАН Ч.ГАНЗОРИГИЙН ӨМГӨӨЛӨГЧ АТГ-Т НОЦТОЙ БАРИМТ ӨГӨХ ҮЙЛ ЯВДЛЫГ ШУУД ДАМЖУУЛНА

"Эрдэнэт" үйлдвэрийн Ерөнхий захирал асан Ч.Ганзоригийн өмгөөлөгч АТГ-т 13:30 цагт ноцтой баримт хүлээлгэж өгөх юм байна. Энэхүү үйл явдлыг манай сайт танд шууд дамжуулан хүргэнэ. Хэргийн тухай сануулахад Жаст группийн Ерөнхийлөгч асан Ш.Батхүү Эрдэнэт үйлдвэрийг барьцаанд тавьж Өмнөд африкийн Стандарт банкнаас 109 сая төгрөг зээлсэн билээ. Эл асуудал нь ил болж, Ш.Батхүү нарыг АТГ шалгаад удаж буй. Харин тухайн үеийн Эрдэнэт үйлдвэрийн Ерөнхий захирал Ч.Ганзориг, Төрийн өмчийн хорооны дарга Сугар нарыг энэхүү үйл явдалд оролцож, гарын үсэг зурж Эрдэнэт үйлдвэрийг барьцаанд тавихыг зөвшөөрсөн гэж үздэг. Харин Ш.Батхүү нь эхний удаад зээл авахад зөвшөөрч гарын үсэг зурсан нь үнэн. Гэхдээ Ч.Ганзориг, Сугар нарын гарын үсэг тамга тэмдгийг би дуурайлгаж хуурамчаар үйлдээд бусад зээлээ өөрөө авсан гэж тайлбарлаад байгаа. Одоогоор Ш.Батхүү нь цагдан хорих 461-р ангид хоригдож байгаа юм. Сахарын өвчтэй түүний бие муудаж, хүнд байгааг бид мэдээлсэн. Тэгвэл яг одоо "Эрдэнэт" үйлдвэрийн Ерөнхий захирал асан Ч.Ганзоригийн өмгөөлөгч АТГ-т ноцтой баримт өгч байгааг бид танд үзүүлж байна. Яг ямар баримт өгч байгаа зэргийг манай сэтгүүлч тодруулах болно