Тайвань улсын Гаушон хотын I Shou их сургуулийн олон улсын санхүүгийн дөрөвдүгээр дамжааны оюутан О.Сэржмядагийн амьдардаг гэрт энэ сарын 29-ний 22:25 минутын үед гал гарчээ. Бид түүнтэй холбогдон болсон явдлын тухай тодрууллаа.
"Манайх гурван давхар хуучны байр. Би гуравдугаар давхрын нэг өрөөг түрээсэлдэг. Харин байрны эзэн өөр нэг өрөөнд амьдардаг. Гал гарах үед би гэртээ ганцаараа унтаж байсан. Унтаж байхад хамар уруу эвгүй үнэр цоргиод, хэсэг хугацааны дараа бүр тэсэхийн аргагүй болсон. Тэгээд хартал өрөө саарал өнгөтэй болчихсон байсан. Би гал гарч байна гэж төсөөлөөгүй. Хоёр давхар уруу буухад зүгээр байсан ч нэг давхарт гал гарч байсан. Ингээд баллонтой ус болон хувинд ус хийгээд цацсан. Ус цацаад ч нэмэргүй болсныг ойлгоод тусламж дуудахаар гурван давхар уруугаа буцаад гүйсэн. Утсаа аваад байрны эзэн рүү залгасаар нэг давхарт буцаж ирсэн. Байрны эзэн утсаа аваагүй. Ингээд би байрнаас одоо л гарахгүй юм бол амьд үлдэхгүйгээ ойлгоод гүйсэн. Байрныхаа хаалгыг яг хаасны дараа гэр маань дэлбэрсэн" гэв.
Ингээд тэрээр хөрш хоёр айлдаа сэрэмжлүүлэхээр хаалгыг нь нүдэхэд нэг айл нь эзэнгүй. Харин нөгөө айлаасаа нийт таван хүн гаргаж авчээ. Ингээд дуудлага өгснөөс хойш тав орчим минутын дараа цагдаагийн хоёр ажилтан, гал командын дөрвөн машин, эмнэлгийн хоёр машин ирж, тэднийг аюулгүй бүсэд аваачсан байна. О.Сэржмядаг гэрээсээ гарахдаа утсаа гартаа бариад хөл нүцгэн гарчээ. Шатаар гүйж байхдаа халтирч унаснаас үүдэж шалбарч гэмтсэн. Мөн угаар нэлээн залгиснаас болж толгой өвдөх, хоолой хорсох, амьсгал боогдох зовууртай байгаа. Одоогоор эмнэлэгт үзүүлж амжаагүй байна гэлээ.
О.Сэржмядагийн сургалтын төлбөрийн 10 сая төгрөг, бүх баримт бичиг нь шатжээ
Тэрээр өнгөрсөн намар төгсөх байсан ч ээжийнх нь бие муудаж, сургуулиасаа чөлөө аваад Монголд ирж ээжийгээ асарсан байна. Ээж нь бурхны оронд очсоны дараа төрсөн ахтайгаа ярилцаж байгаад сургалтын төлбөрөө зээлээр аваад Тайваньд дөнгөж ирээд сар ч болоогүй байсан юм. 3-р сарын 9-нд Тайваньд ирснээс хойш амьдран суух эрхийн үнэмлэх нь дөнгөж гараад, ажил эрхлэх зөвшөөрлөө хүсчхээд хүлээж байжээ. Тэрээр өмнөх жилүүдийнхээ төлбөрийг цагийн ажил хийж олоод, сургуулийнхаа дотуур байранд амьдардаг байсан байна. Сургуулиасаа чөлөө авсан тул, төлбөрөө бүрэн барагдуулсны дараа хичээлдээ суу гэсэн шаардлага тавьсан тул Монголоос ирэхдээ 10 сая төгрөгтэй ирсэн ч ийнхүү галд "алдчихжээ". Банканд хадгалж болох байсан ч банкны данс эзэмших эрх арай үүсээгүй байсан юм гэлээ.
Одоогоор түүнд сургуулийнх нь зүгээс дотуур байрандаа амьдруулж байгаа юм. Мөн Монгол оюутан охин хоёр ээлжийн хувцас өгч туслаад байна. Харин Гадаад харилцааны яам буюу Тайвань дахь Монгол улсын төлөөлөгчийн газар туслахаа мэдэгджээ.
Хэрвээ Тайвань дахь Монгол оюутан залуус О.Сэржмядагт туслахыг хүсвэл дээрх данс уруу хандив өгч болно.
Дансны дугаар: 700 005 1545 0184 093 Post office
Данс эзэмшигчийн нэр: 王重鈞
Холбоо барих утас: 0986 7561 54
Khan bank 5756004033 otgonnorov serjmyadag
О.Сэржмядагийн Facebook хаяг нь:https://www.facebook.com/serjee.otgoo
Жич: Өөрийнх нь бүх баримт бичиг устсан тул,
шинээр авах хүртлээ энэ хүний дансаар гүйлгээ хийх юм байна.
Улаанбаатар °C 
Сэтгэгдэл (0)
Сэтгэгдэл бичигдээгүй байна