МИЛОУКИ БАКС БАГ БРЭНДОН ЖЭННИНГСТЭЙ УРТ ХУГАЦААНЫ ГЭРЭЭ БАЙГУУЛЛАА

Милоуки Бакс баг өнөөдөр хамгаалагч Брэндон Жэннингстэй урт хугацааны гэрээ байгуулсан гэдгээ албан ёсоор зарлалаа. Харин гэрээний хугацаа болон мөнгөн дүнг олон нийтэд зарласангүй. Түүний хувьд 3 - р сарын 11 - нд анх Бакс багтай 10 өдрийн гэрээ байгуулсан билээ. Улмаар 3 - р сарын 21 - нд дахин 10 өдрийн гэрээ байгуулсан юм. Залуу эрч хүчтэй бүрэлдэхүүнтэй Бакс баг 28 настай туршлагатай хамгаалагчийг үлдээхээр шийдсэн байна. Брэндон Жэннингс Бакс багийн бүрэлдэхүүнд 20 хоног туршилтын хугацаанд тоглохдоо 5.5 оноо, 3.3 оновчтой дамжуулалт, 2.1 самбараас бөмбөг авалт дунджилсан юм. Тэрээр өмнө нь мөн 2009 - 2013 оны хооронд дөрвөн улирал Милоуки Бакс багийн бүрэлдэхүүнд тоглож байсан билээ