ЭМЭГТЭЙЧҮҮДИЙН САРЫН ТЭМДЭГ ИРЭХ ҮЕД ХОЁР ХОНОГИЙН ЦАЛИНТАЙ ЧӨЛӨӨ ОЛГОХ ХУУЛИЙН ТӨСӨЛ ӨРГӨН БАРИУЛНА

Монгол хэрэгжиж буй хуулиуд буюу Эрүүгийн хууль, ЭХХШТХууль, Зөрчлийн тухай хууль, ЗХШТХууль, Гэр бүлийн хүчирхийлэлтэй тэмцэх тухай, Гэмт хэргээс урьдчилан сэргийлэх тухай хуулиуд нь нийгэмд гардаг аливаа хүчирхийлэлээс урьдчилан сэргийлэх, гарсаных нь дараа илрүүлэх, зохих хариуцлага тооцох эрх зүйн орчинг хуульчилсан өгсөн байдаг.

Тэгвэл "Legal window" хуулийн фирмийн захирал, өмгөөлөгч Л.Нинжбат эмэгтэйчүүдэд зориулсан сонирхолтой нэгэн хуулийн төслийг боловсруулж өргөн бариулахаар зэхжээ. Тодруулбал, эмэгтэйчүүдийн сарын тэмдэг ирэх үед хоёр хоногийн цалинтай чөлөө олгох тухай хуулийн төсөл аж.

Энэхүү хуулийг хөгжингүй болон өндөр хөгжилтэй орнуудад мөрддөг байна. Тухайлбал, Японд 1947 оноос хэрэгжиж байгаа хөдөлмөрийн тухай хуулинд "сарын тэмдгийн улмаас ажиллах туйлын боломжгүй болсон бол чөлөө авч болно" гэсэн утгатай заалт байдаг. Ямар нэг эмчийн бичиг гэх мэт зүйл хэрэггүй, сарын тэмдэг ирснээс болоод бие таагүй байгаагаа хэлээд л чөлөө авч болох аж. Гэхдээ цалинтай болон цалингүй чөлөө өгөх нь тухайн байгууллагын эрх. Байгууллага хууль зөрчиж, ажилтандаа чөлөө өгөөгүй тохиолдолд 300 мянга хүртэл иен(6,5 сая орчим төг)-ийн торгуультай гэж тусгасан байдаг