НИКОЛА МИРОТИЧ НЬЮ ОРЛЕАНС ПЭЛИКАНС БАГТ ОЧЛОО

Чикаго Буллс, Нью Орлеанс Пэликанс багууд энэ улирлын ээлжит нэгэн солилцоог хийлээ. Пэликанс баг Никола Миротичийг драфтын хоёр дугаар тойргийн эрхийн хамтаар авсан бол Чикаго Буллс баг Омер Ашик, Жамийр Нэлсон, Тони Аллен нарыг драфтын нэг дүгээр тойргийн эрхийн хамтаар авжээ.

Пэликанс багийн хувьд хэдхэн өдрийн өмнө бүх одод төвийн тоглогч ДэМаркус Каусинсыг бэртэл гэмтэлд алдаад байсан. Гэсэн ч 16.8 оноо, 6.4 самбараас бөмбөг авалт дунджилж буй тоглогчийг багтаа нэгтгэж чадсанаар плэйоффт хүчтэй өрсөлдөөн үзүүлэх багийн нэгт зүй ёсоор тооцогдохоор болж байна.

Миротичийн хувьд бэлтгэл дээр Бобби Портистой нударга зөрүүлж нүүрэндээ хүнд бэртэл авсны улмаас улирлын эхний 23 тоглолтыг өнжсөн. Бэлтгэл дээр гарсан тэрхүү маргалдааны дараа Миротич багийн удирдлагадаа солилцоонд орж, өөр багт очих хүсэлт гаргаад байсан юм