“ЧИНГИС” БОНДЫН ӨР 500,0 САЯ АМ.ДОЛЛАРААР ХОРОГДЛОО

Монгол Улсын Засгийн газар нь нийт 1.5 тэрбум ам.долларын бондыг олон улсын зах зээлд арилжаалсан. Энэхүү "Чингис" бонд 2018 онд төлөгдөх 500,0 сая ам.доллар, 2022 онд төлөгдөх 1,0 тэрбум ам.доллараас бүрдсэн. Үүнээс Чингис бондын 500 сая ам.долларын үндсэн төлбөр 2018 оны 1-р сарын 5-ны өдөр эргэн төлөгдөх нөхцөлтэй юм.

Монгол Улсын Засгийн газар нь өрийг ийнхүү барагдуулж байгаа нь олон улсын хөрөнгө оруулагчид болон гадаад зах зээлийн өмнө хүлээсэн үүргээ биелүүлж буйн илрэл юм.