БЛЭЙК ГРИФФИН ОН ГАРАХААС ӨМНӨ БЭРТЛЭЭС ЭРГЭН ИРЖ МАГАДГҮЙ

Лос Анжелес Клипперс багийн хүчний довтлогч Блэйк Гриффин өвдгөндөө авсан бэртлийн улмаас 13 тоглолт өнжөөд байгаа билээ. Түүний эзгүйд баг нь 5 хожиж, 8 хожигдсон. Тэгвэл Клипперсийн хөгжөөн дэмжигчдэд нэгэн таатай мэдээ дуулгая. Эх сурвалжуудын мэдээлснээр Блэйк Гриффин энэ ондоо багтаж бэртлээс эргэн ирэх өндөр магадлалтай байгаа ажээ.

Энэ ондоо багтаж тоглолтонд оролцож эхлэхгүй байлаа ч 1 – р сарын эхээр эргээд талбайдаа гарах нь тодорхой болж ирлээ. Блэйк Гриффиний хувьд энэ улиралд 23.6 оноо, 7.9 самбараас бөмбөг авалт дунджилж байгаа юм.

Лос Анжелес Клипперс баг мөн Патрик Бэвэрли, Данило Галинари зэрэг тоглогчдыг бэртэлд алдаад байгаа билээ. Остин Риверс, Луй Уиллиамс нар тэдний орон зайг нөхөж байгаа юм.