ӨДӨРТ ХОЁР УДАА ХООЛЛОВОЛ ЧИХРИЙН ШИЖИНГЭЭС СЭРГИЙЛЖ ЧАДНА

Өглөө, өдөрт хоёр удаа хооллож байх нь дэглэм барьж, бага идэхээс илүү үр дүнтэй байдгийг судлаачид нотолжээ. Чехийн эрдэмтэд янз бүрийн дэглэм барьдаг хүмүүсийг харьцуулан судлаад өдөрт хоёр удаа хооллох хэрэгтэй гэсэн дүгнэлтэнд хүрсэн байна. Чихрийн шижингийн хоёрдугаар үе цусан дахь сахарыг зохицуулж байдаг инсулины гормон хангалттай хэмжээнд ялгараагүй үед илэрдэг байна. Энэ үед цусан дахь сахарын хэмжээ ихэссэн байдаг бөгөөд эмчлүүлэхгүй бол зүрх судас, цус харвалт, бөөрний өвчинд нөлөөлж болно. 2,9 сая хүн чихрийн шижингээр өвчилсөн Их Британи улсад өдөрт зууштай хамт гурван удаа хооллож байхыг зөвлөдөг. Тэгвэл эрдэмтэд хүн өдөрт 1,700 калори илчлэг авахаар хоёр удаа хооллож байх нь зүйтэй гэж үзэж байна.