ТАТВАРААС ЗУГТААЖ ИЖИЛ ХҮЙСТЭН БОЛЖЭЭ

Ирландын иргэн Майкл, Мэт нар 30 орчим жил үерхсэн сайн найзууд боловч өв залгамжлалын татвараас зугтаахын тулд гэрлэлтээ батлуулж, ижил хүйстэн болжээ. Тэд Холливудын инээдмийн кинон дээр гардаг үйл явдлыг бодит амьдрал дээр хэрэгжүүлсэн нь энэ юм. Учир нь Ирландын хуулиар хөрөнгө өвлөж авсан тохиолдолд улсдаа 33%-ийн татвар төлдөг байна. Зөвхөн эхнэр, нөхөр хоёр бие биедээ хөрөнгөө бэлэглэх тохиолдолд энэ хууль үйлчилдэггүй ажээ.

Тиймээс найзууд зөвшилцөж гэрлэлтээ батлуулжээ. Мэтт нь олон жилийн өмнө эхнэрээсээ салсан, гурван хүүхэдтэй бөгөөд Майклтай гэрлэснээр өв хөрөнгөө түүнд үлдээхэд бэлэн гэдгээ илэрхийлж байгаа юм. "Хэрэв би нас барвал Майкл миний хөрөнгийг өвлөж авна гэсэн үг. Би түүн шиг сайн хүнтэй таарч багаагүй" гэжээ. Харин Майкл "Би Мэттэд хайртай. Гэхдээ сексийн хувьд биш л дээ. Одоо би түүний асран хамгаалагч болсон" хэмээн ярьжээ.

Тус улсын хуулиар 2015 онд ижил хүйстний гэрлэлтийг зөвшөөрчээ.