ДЭЛХИЙН АНХНЫ БИТКОИНТОЙ ХУРИМ

Энэтхэгийн Бангалор хотын шинэхэн хосууд дэлхийд анх удаа биткоин валютыг хуримандаа ашиглажээ. Хосууд дижитал мөнгөний талаар өргөн мэдлэгтэй, өөрсдөө компани байгуулсан учир найз нөхдөөсөө хуримын бэлгэнд биткоин авсан байна. Энэтхэгийн Төв банк биткоинд хөрөнгө оруулахгүй байхыг нийт иргэддээ гурав дахь удаагаа сануулж байгаа ажээ. Гэсэн ч шинэхэн хосуудад энэ сануулга үйлчлээгүй бололтой.

Биткоин нь нэгэн төрлийн хувьцаа гэж хэлж болохоор цахим валют буюу мөнгөн тэмдэгт юм. Дэлхийн томоохон компаниуд, хөрөнгө оруулагчид биткоин руу хошуурч байгаа ч дийлэнх улс орнууд иргэддээ сануулга өгсөөр байгаа юм. Тэд биткоинд хөрөнгө оруулбал мөнгөө алдана гэж анхааруулсаар байгаа билээ.