ХЭТ ЦАРАЙЛАГ ХҮҮГЭЭ ШАЛГАЖ ҮЗТЭЛ...

28 жил өсгөсөн хүүгээ өөрийнх нь төрсөн үр биш гэдгийг мэдсэн ээж сэтгэл санааны хүн хямралд оржээ. Хятадын Жан овогт гэр бүлийн эхнэр, нөхөр хоёр 13 жилийн өмнө салж, тусдаа амьдрах болсон гэнэ. Гэвч тэдний хамтдаа хайрлан энхрийлж өсгөсөн ганц хүү нь өөрсдөөс нь тэс өөр, том нүдтэй, өндөр хамартай төрсөн нь нөхөр Жанд эргэлзээ төрүүлж, ДНК-ийн шинжилгээ хийлгэхийг эхнэрээсээ хүссэн байна. Эхнэр нь энэ хүсэлтийг ёсоор болгоход хүү нь ямар ч хамааралгүй хүн болохыг олж мэджээ.

Үүнд итгэхийг хүсээгүй ээж 1989 оны хоёрдугаар сард Шанхайн төрөх эмнэлэгт амаржсан бүх хүмүүсийн мэдээллийг шалгуулжээ. Гэвч эмнэлэг тухайн үеийн ямар ч бүртгэлийг олж чадаагүй тул шүүхэд зарга үүсгэж, 1,3 сая юань нэхэмжилж, хүүгийнхээ төрсөн эцэг, эхийг хайж байна. Хүүг төрсөн цагаас хөршүүд, найз нөхөд нь хэт царайлаг, ээж аавтайгаа адилхан биш гэж гайхдаг байжээ. Гэвч он жил өнгөрөхийн хэрээр энэ яриаг мартаж орхисон гэдэг.