ТРАНСЖЕНДЕР ЭР ХОЁР ДАХЬ ХҮҮХДЭЭ ТӨРҮҮЛЖЭЭ

АНУ-ын бизнесийн сургуулийн оюутан, 30 настай трансжендер Каси Салливан эрүүл чийрэг хүүхэд төрүүлжээ. Хүүхдийн хүйсийг одоохондоо нууцалж байна.

Каси Салливан өмнө нь эмэгтэй хүн байсан бөгөөд дөрвөн жилийн өмнө хүйсээ солиулж, эрэгтэй болжээ. Дараа нь хүүхдээ хэвлийдээ тээж, төрүүлэхийн тулд эр гормоноо авахуулсан байна. Нөхөр Стивен нь ч энэ санааг дэмжиж, хүүхдээ төрөх хүртэл 9 сар хажуугаас минь холдоогүй хэмээн Каси ярьжээ. Сонирхолтой нь, Касси таван жилийн өмнө эмэгтэй байхдаа Грэйсон хэмээх хөөрхөн хүү төрүүлж байсан юм. Хоёр өөр хүйсээр амьдарсан ийм тохиолдол дэлхийд өмнө нь бүртгэгдэж байгаагүй ажээ.

Каси "Жирэмслэх нь зөвхөн эмэгтэйчүүдэд заяасан төрөлхийн үйл явц биш. Үүнд хүйсийн ялгаа огт байхгүй. Хүүхэд төрүүлэх явцдаа өөрийгөө эмэгтэй хүн биш эрэгтэй гэж мэдэрч байсан" хэмээн ярилцлагадаа дурджээ.

Анхны гэрлэлт нь бүтэлгүйтэж, нөхөртөө дарамтлуулдаг байсан тэрээр нэг л өдөр эмэгтэй хүн байхаас гутарч эр бэлгийн даавар шилжүүлэн суулгуулж, хөхөө авахуулах мэс засал хийлгэжээ. Дараа нь одоогийн нөхөр Стивентэй танилцаж, Грэйсон хүүгээ хамтдаа аз жаргалтай өсгөсөн байна.

Хосууд хүүхдүүдээ хүйсийн ялгаралгүй өсгөнө гэж шийдсэн ажээ. Тоглоом, хувцас худалдаж авахдаа эрэгтэй хүүхдэд цэнхэр, эмэгтэйд ягаан зэргээр ялгах нь буруу гэж тэд үздэг гэнэ.