​Т.УЯНГА: ХАМТ БҮЖИГЛЭЖ ХУНДАГА ТУЛГАХЫН ОРОНД ӨӨРСДӨӨ ШУДАРГА БАЙЦГААЯ

Ерөнхийлөгч асан Ц.Элбэгдорж UB PALACE –ийн танхимд бүжиглэж, хөгжилдөж байгаа бичлэг сошиалд тарж, олон нийтийн шүүмжлэлд өртөөд байна. Уг бичлэг, зургийг үзсэн гишүүн асан Т.Уянга өөрийн фэйсбүүк хуудаснаа ийнхүү бичжээ. Тэрбээр "Хэрэв бусармаг үйл хийж, улс орноо дампууралд хүргэсэн, офшоорт мөнгөө нуусан хүмүүст хууль үйлчлэхгүй бол "ОЛОН НИЙТИЙН ГАДУУРХАЛ" гэдэг арга хэмжээг ард иргэд нь авч хэрэгжүүлж бас болно.

Ресторанд ороход нь ойролцоо ширээнд суухгүй байх, бүх нийтээрээ алга ташиж гарахыг шаардах, тус газрын зөөгч, хамгаалагчид, "Бид танд үйлчлэхгүй, тиймээс та манай үйлчлүүлэгчдийн амгалан тайван байдлыг эвдэлгүй эндээс гарна уу" гэж хөөх, дэлгүүр хоршоо, нийтийн үзвэр үйлчилгээ бусдаас илүү, маш өндөр үнээр үйлчлэх зэрэг олон нийтийн эсэргүүцлийн арга хэмжээ авдаг.

Ядаж ийм арга хэмжээгээ авч сураач, ийм арга хэмжээнд шүүх, дарга, нам, их хурал....юу ч шаардлагагүй! ӨӨРСДӨӨ ШУДАРГА БАЙДЛЫГ ЭХЛҮҮЛЬЕ!
Хамт бүжиглэж хундага тулгахын оронд өөрсдөө шударга байцгаая!" хэмээв.

Б.Ирээдүй