Үерийн аюултай түвшинг туул гол 54 см давсан байна

Цаг уурын байгууллагын гаргасан мэдээгээр өнөөдөр (2026.07.31) 08:00 цагийн хэмжилтийн мэдээгээр гол мөрний ажиглалтын 117 цэгт хэмжилт хийснээс хэвийн түвшинд 56, олон жилийн дундаж түвшинг давсан 47, үерийн түвшинг давсан 12, үерийн аюултай түвшинг давсан 2 цэг байна.

Үерийн аюултай түвшинг давсан Тэрэлж гол Тэрэлжийн амралтын орчим, Балж гол Хэнтий аймгийн Дадал сумын орчим үерийн аюултай түвшинг 5-10 см даван үерлэж байна.

Маргааш (2026.08.01) голуудын усны түвшин Туул гол Улаанбаатар хот орчим 54 см, Төв аймгийн Алтанбулаг сум орчим 15 см, Орхон гол Хархорин сум орчим 20 см, Онон гол Дадал сум орчим 20см, Хэрлэн гол Мөнгөнморьт сум орчим 5см тус тус нэмэгдэж, Туул гол үерийн аюултай түвшинг давах төлөвтэй байна.

Иймд иргэд та бүхэн:
Үерийн аюултай бүс, голын эрэг, хуурай сайр жалгаар зорчихгүй байх
Аялал, зугаалга, ууланд гарах бол цаг агаарын мэдээллийг тогтмол шалгах
Тээврийн хэрэгслээр зорчихдоо хурдыг тохируулж, аюулгүй байдлаа хангах
Хүүхдийг гол, нуур, үерийн усны ойролцоо хараа хяналтгүй орхихгүй байх
Үерийн эрсдэлтэй бүсэд буудаллах, майхан барихаас татгалзах
Цаг агаарын аюултай үзэгдлийн мэдээ, сэрэмжлүүлгийг тухай бүрт хүлээн авч, өөрийн болон гэр бүлийнхээ аюулгүй байдлыг хангахыг зөвлөж байна.