98 НАСТАЙ ЭЭЖ АСРАМЖААС НҮҮЖ, ХҮҮГЭЭ ХАЛАМЖИЛЖ БАЙНА

Сүү шигээ цагаахан сэтгэлтэй ээжүүдийн хайр хамгийн агуу гэдгийг Их Британийн Ливерпуль хотын оршин суугч 98 настай Ада Китинг батлан харуулав. Тэрээр нас дээр гарч, бусдын асаргаанд байх шаардлагатай болсон ч 80 настай Том Китинг хүүгээ халамжилж, хамгаалж байна. Ада эмээ нэг жилийн өмнөөс асрамжийн газраас нүүж, хүүгийнхээ дэргэд иржээ. Их Британид ахмад настнууд асрамжийн газар бус гэртээ өтлөх нь ховор үзэгдэл юм.

Хүү Том нь хүнтэй гэрлэж байгаагүй тул бүх насаараа ээжтэйгээ хамт амьдарчээ. Тэрээр "Ээжийнхээ дэргэд байх хамгийн жаргалтай. Би ээжид өөрийгөө бод гэж хэлдэг. Гэсэн ч тэр намайг гэсээр байтал өтөлж байна даа" хэмээн ярьж сууна. Тэд хамтдаа аз жаргалтай амьдарч байна.

Том тэтгэвэртээ гарахаас өмнө барилгын засал чимэглэлчин, будагчингаар ажиллаж байсан бол ээж нь сувилагч мэргэжилтэй ажээ.