ӨӨРӨӨ ӨӨРТЭЙГӨӨ ГЭРЛЭСЭН ЭМЭГТЭЙ

Хайртай хүнээ олно гэдэг хэцүү сорилт учир удаан хүлээж тэсэхээ байсан нэгэн эмэгтэй өөрөө өөртэйгөө гэрлэжээ. АНУ-ын Техас мужийн оршин суугч Ясмин Элебей 38 насандаа нижгэр хурим хийсэн байна. Тэрбээр 40 хүрэхээсээ өмнө заяаны ханиа олно гэж өөртөө амласан ч энэ мөрөөдөл нь биелсэнгүй. Ясмин олон эртэй болзож байсан ч сэтгэлд нь нийцэх хүн олдоогүй болохоор эцэстээ өөрийг нь өөрөөс нь илүү хайрлах хүн үгүй гэдэгт итгэх болжээ. Ясмин "Би хайр дүүрэн жаргалтай амьдарч байна. Хуримын ёслолд дотны хүмүүс маань бүгд ирсэн" хэмээн Фэйсбүүк хуудаснаа нийтэлжээ. Энэ бүсгүй бал сараа ганцаараа тэмдэглэж, Камбожи, Лаос, Дубай хүртэл аялахаар шийдсэн байна.