ЭРҮҮЛ МЭНДИЙН ДЭВТРЭЭРЭЭ ФИТНЕССТ ЯВАХ БОЛОМЖТОЙ

Эрүүл мэндийн даатгалын дэвтрээ ашиглан фитнесст үнэ төлбөргүй явах боломж удахгүй бүрдэнэ. УИХ-аар Биеийн тамир, спортын тухай хуулийн шинэчилсэн найруулга өнгөрсөн долдугаар сард батлагдаж, ирэх хоёр жилд хэрэгжихээр болжээ. Хуулийн хүрээнд эрүүл мэнддээ анхаардаг иргэдэд дэмжлэг үзүүлэх зорилгоор фитнессээр хи­чээллэ­хэд нь дэмжлэг үзүүлж, төлбөрийг нь эрүүл мэндийн даатгалтай нь уяж өгөх заалт орсон байна.

Иргэд эрүүл мэндийн даатгалаа сар бүр төлдөг ч түүндээ тохирсон эрүүл мэндийн үйлчилгээ авч чаддаггүй. Хүмүүсийн ихэнх нь өвдсөн хойноо эрүүл мэндийн даатгалаа ашиглан эмнэлэгт ханддаг. Тэгвэл өвдсөн хойноо биш өвдөхөөсөө эрүүл мэндийн даатгалын дэвтэрээ ашиглан фитнессээр хичээлллэх боломж удахгүй нээгдэхийг хүлээх л үлдлээ.