ДИЗЕЛЬ ТҮЛШНИЙ БӨӨНИЙ ҮНЭ ЛИТР ТУТАМДАА 250-300 ТӨГРӨГӨӨР НЭМЭГДЛЭЭ

Олон улсын валютын сангийн хөтөлбөрт хамрагдсанаар шатахууны онцгой албан татварын хэмжээг нэмэхээр тусгасан. Энэ хүрээнд 2017 оны долоодугаар сар болоод 11-р сард хоёр удаа онцгой албан татварын хэмжээг тонн тутамд 30,000-100,000 төгрөгөөр нэмэв. Тодруулбал АИ-80 авто бензинд ногдуулдаг байсан 190 000 төгрөгийн татварыг 30,000 төгрөгөөр нэмсэн. АИ-92 210 000 төгрөг байсныг 50,000 төгрөгөөр нэмсэн бол дизель түлшинд тонн тутамд 280,000 төгрөгийн онцгой албан татвар ногдуулдаг байсан бол 100,000 төгрөгөөр нэмжээ. Он гартал шатахуун импортлогчид татвар нэмэгдээгүй байх үеийн нөөцөлсөн шатахуунаа хуучин үнээр нь борлуулна. Татварын нэмэгдэл нь 2017 оны 11-р сарын 30-наас мөрдөгдөх аж. Одоогийн байдлаар шатахуун импортлогчид шатахууны бөөний үнээ литр тутамд 250-300 төгрөгөөр нэмээд байна.

Н.ӨНӨР