МОНГОЛ УЛСЫН АВАРГА Ч.САНЖААДАМБА ТАВ ДАХЬ УДААГАА ТҮРҮҮЛЛЭЭ

Бүгд найрамдах улсаа тунхаглаж, Анхдугаар үндсэн хуулиа баталсаны түүхт 93 жилийн ойд зориулсан уламжлалт барилдаанд аварга Ч.Санжаадамба, С.Мөнхбат, арслан П.Бүрэнтөгс, Н.Батсуурь, Э.Оюунболд, Р.Пүрэвдагва, гарьд Н.Ганбаатар, Ө.Бат-Орших, заан Б.Батмөнх, Б.Пүрэвсайхан, Б.Соронзонболд нарын 2 аварга, 4 арслан, 2 гарьд, 3 заан цолтон магнайлсан Улс, аймгийн алдар цолтой 256 бөх зодоглосон юм.

Энэхүү барилдаанд "Бөх билэгт" дэвжээ, Ажнай корпарацийн бөх, Монгол Улсын 22 дахь аварга Ч.Санжаадамба найм даван түрүүлсэн бол Монгол Улсын гарьд Ө.Бат-Орших үзүүрлэв. Харин Увс аймгийн Давст сумын харьяат "Увснуур" дэвжээ "ДЦС-4" ТӨХК-ний бөх улсын арслан П.Бүрэнтөгс, Увс аймгийн Ховд сумын харьяат "Увс нуур" бөхийн дэвжээ, "ТЭЦ- 3", "Химон" констракшн" ХХК-ийн бөх, улсын арслан Н.Батсуурь нар шөвгийн дөрөвт үлдсэн юм.