ТАМИРЧДАД НЭГ ТЭРБУМ 434 САЯ ТӨГРӨГИЙН УРАМШУУЛАЛ ОЛГОЖЭЭ

Олимп, тив дэлхийн аварга зэрэг томоохон тэмцээнд гаргасан амжилтыг нь харгалзан тамирчдад сар бүр мөнгөн урамшуулал олгодог билээ. Тэгвэл энэ жил нийтдээ 54 тамирчинд 1тэрбум 400 гаруй сая төгрөгийн урамшуулал олгожээ.

Олимп паралимп болон олимдийн наадмын төрөлд багтдаг спортын төрлийн жин зай төрөлд дэлхийн аварга шалгаруулах тэмцээний насанд хүрэгчдийн ангилал жин зайд Монгол улсын нэрийн өмнөөс оролцож медаль хүртсэн МУ-ын иргэнд насан туршид нь сар бшр мөнгөн урамшуулал олгохоор заалт байдаг байна.

Манай улсын хувьд зөвхөн шигшээ багт хамрагдаж тив дэлхийд амжилт гаргаж байж цалин хөлс авдаг байна. Харин бусад тамирчдийн хувьд өдөр шөнөгүй бэлтгэл сургуулилт хийгээд амжилт гаргаагүй шигшээ багийн тамирчин биш бол цалин урамшуулал авдаггүй байна.

2017 оны байдлаар тив дэлхийд амжилт гаргасан нийтдээ 54 тамирчинд 1 тэрбум 434 сая төгрөгийн цалин урамшуулалыг олгосон бол ирэх жил 57 тамирчинд 1тэрбум 566 сая төгрөгийг төсөвлөсөн байна. Тамрчин нь сар бүрийн мөнгөн урамшуулал авах болзол хангасан бол дараа оны тасвийн жилийн эхнээс мөнгөн урамшууллыг авах заалттай юм байна.