БАНКАНД ХАЛДСАН БАЙЖ БОЛЗОШГҮЙ ГУРВАН ЗАЛУУД ЭРҮҮ ҮҮСГЭН ШАЛГАЖ ЭХЭЛЖЭЭ

Нийслэлийн Баянзүрх дүүрэгт харьяалагдах 'Шөнийн зах' худалдааны төвд байрлах Хаан банкинд өчигдөр 19.20 цагийн орчим галт зэвсэгтэй гурван этгээд дайран орсон тухай бид мэдээллэсэн билээ.

Цагдаагийн байгууллагаас өгч байгаа мэдээллээр бол гэмт хэрэг үйлдсэн байж болзошгүй 17-19 насны гурван этгээдийг саатуулан шалгаж байгаа гэнэ. Тухайн хэргийг үйлдсэн этгээдүүд нь банканд ямар нэгэн хохирол учруулаагүй бөгөөд тухайн үйл явдлаас үүдэж хүн амьтан эрүүл мэнд амь насаараа хохирсон зүйл байхгүй аж.

Баянзүрх дүүргийн цагдаагийн нэгдүгээр хэлтсийн алба хаагчид болон Нийслэлийн цагдаагийн газрын онц хүнд гэмт хэрэгтэй тэмцэх хэлтсийн албан хаагчид гэмт этгээдүүдийг илрүүлэх ажиллагааг хамтран зохион байгуулсан байна. Шижигтнүүдэд Эрүүгийн хуулийн тусгай ангийн 17.2-т зааснаар эрүүгийн хэрэг үүсгэн шалгалтын ажил явагдаж байгаа аж.

Мөн түүнчлэн уг сэжигтнүүд нь Сант сургуулийн сурагч гэх мэдээлэл ташаа бөгөөд баттай бус эх сурвалжийн мэдээллээр аж ахуйн нэгж, иргэдийн нэр хүндэд халдсан мэдээллийг олон нийтэд цацахгүй байх тал дээр анхаарах шаардлагатай байна гэлээ. Мөн түүнчлэн тухайн этгээдүүдийг сэжиглэн шалгаж байгаа бөгөөд гэм буруугүй асуудал шүүхийн шатанд шийдэгдэнэ. Одоо бол шалгалтын ажил явагдаж байна хэмээв.

Б.Ирээдүй