ТАЙВАНЬ УЛСАД СУРАЛЦАХЫН ТАВАН ДАВУУ ТАЛ

Тайвань нь 23.4 сая хүн амтай.Зүүн өмнөд Азид байрладаг. Хятадын өнө удаан жилийн түүхэн соёл нь барууны соёлтой уялдаж олон талын өвөрмөц онцлогийг буй болгосон орчинтой. Азийн бар орны нэг билээ.

Нэгдүгээрт: Европ, Америкийн их дээд сургуультай харьцуулахад сургалтын төлбөр болон зардал хямд. Бакалаврын оюутнууд стипэнт авч чадахгүй байсан ч цагийн ажил хийгээд амьдрах боломжтой.
Хоёрдугаарт: Нөхөрсөг, найрсаг ард түмэн ба таатай уур амьсгал

Гуравдугаарт: Өөрийн хичээл зүтгэлээс хамааран Англи , Хятад 2 хэл давхар суралцах боломжтой. Хичээлээ ч дээрхи хоёр хэлээр сонгон судлах боломжууд байдаг.

Дөрөвдүгээрт: Монголтой ойр тул газраар ч хямд зардлаар явах боломжтой.

Тавдугаарт: Мастерийн оюутнуудад тэтгэлэг олдох нь элбэг тул, хичээлдээ яваад сар бүрийн стипэнт авах боломжтой.

Нэмж мэдээлэхэд их дээд сургуулийн төлбөр бусад өндөр хөгжилтэй орнуудтай харьцуулахад 2-3 дахин бага боловч олгож буй боловсрол нь дэлхийн жишгээс дээгүүр үнэлэгдэж байгаа нь дотооддоо төдийгүй гадаадаас ирж суралцагчдыг татахад гол түлхэц болдог байна. "Тime" сэтгүүл болоод бусад нэр хүндтэй сэтгүүл, судалгааны байгууллагуудын тооцон гаргаснаар Тайваний их дээд сургууль, коллежуудыг дэлхийд эрэмбэлэгдэх түвшин жил ирэх тусам ахиж байгааг харж болно. 20 хүрэхгүй жилийн дотор Тайваний боловсрол техник, технологи асар хурдтай хөгжиж дэлхийн "томчуудтай" өрсөлдөхүйц болж иржээ.

Хэрвээ та Тайвань улсад ирж суралцах гэж байгаа бол элдэв зуучлалын байгууллагаар зуучлуулж илүү үргүй зардал гаргах хэрэггүй. Сайн судалж байгаад өөрөө сургууль руугаа хүсэлтээ явуулахад болно. Өвлийн элсэлт 2-р сард эхэлдэг тул одоо хүсэлт хүлээн авна. Ирсэн хойноо дотуур байранд хэдэн төгрөг төлөх, ажил хийх боломж байгаа эсэх, халуун чийглэг уур амьсгалтай орчинд амьдарч чадах зэргээ тооцоолох хэрэгтэй. Хэрвээ та тэтгэлэг аваад сар бүрийн стипэнт авч чадвал зовох зүйлгүйгээр суралцаад явах бүрэн боломжтой. Амьдралын өртөг зардлын хувьд хөдөө газрууд нь хямд. Хот газрууд нь арай ахиу үнэтэй. Гэхдээ Монголын үнэ өртөгтэй тун ойролцоо байдаг. Дэлхийд боловсролын түвшинээрээ дээгүүрт эрэмбэлэгдэж буй Тайвань улсыг зорих танд амжилт хүсье.