376 ЭМНЭЛГИЙН ТОНОГ ТӨХӨӨРӨМЖИД ШАЛГАЛТ, ТОХИРУУЛГА ХИЙЖЭЭ

2017 оны 10 сарын байдлаар УНТЭ, УХТЭ , Өмнөговь, Говьсүмбэр, Хөвсгөл аймгийн нэгдсэн эмнэлэг болон сумын эмнэлэг, сум, өрхийн эрүүл мэндийн төв, Багануур, Налайх дүүргийн эрүүл мэндийн төвд ашиглагдаж байгаа өвчтөний хяналтын монитор, зүрхний цахилгаан бичлэгийн аппарат, цахилгаан мэс заслын аппарат, хүчилтөрөгчийн аппарат, дефибрилляторт буй нийт 376 эмнэлгийн тоног төхөөрөмжид шалгалт тохируулга хийжээ.

Томилолтоор ажилласан аймгуудын гэмтэлтэй тоног төхөөрөмжтэй танилцаж, боломжит засвар үйлчилгээг тухай бүр гүйцэтгэгч, заавар зөвлөмж өгч ажилласан.

5 багт ажилласан эмнэлгийн тоног төхөөрөмжийн 5 инженерүүд 21 аймгийн нэгдсэн эмнэлэг, бүсийн оношилгооны эмчилгээний төвийн гэмтэлтэй байсан 180 тоног төхөөрөмжийг газар дээр нь завсарлан хэвийн үйл ажиллагаанд оруулж, 52 тоног төхөөрөмжийн гэмтлийг оношилсон байна. “Эмнэлгийн тоног төхөөрөмж, мэдээллийн технологийн хөрөнгийн төлөвлөлтийн системийн ашиглалт" сэдэвт 5 удаагийн сургалтад танхимаар ЭМЯ болон НЭМГ-ын харьяа байгууллагын 85 инженер, техникийн ажилчид, телемидицинээр 18 аймгийн оролцогчид хамрагдсан байна.

2017.10.18-20-ны өдрүүдэд зохион байгуулсан “Эмнэлгийн техник, тоног төхөөрөмжийн бүртгэл ба засвар үйлчилгээ" сэдэвт 3 өдрийн сургалтад ЭМЯ-ны харьяа байгууллага болон АНЭ, БОЭТ-үүдийн 46 инженер, техникийн ажилчид хамрагдсан.

“Эрүүл мэндийн төвүүд, клиникийн эмнэлгийн архитектур төлөвлөлт, хэтийн төлөв" сэдэвт зөвлөгөөг ЭМЯ, БХБЯ, ЭМХТ, Монголын архитекторуудын эвлэлтэй хамтран зохион байгуулсан бөгөөд нийт 50 эрүүл мэндийн байгууллагын удирдлагууд оролцжээ.