​СУРАГГҮЙ АЛГА БОЛСОН НАЙМАН НАСТАЙ ОХИНЫ ААВ ЭЭЖИЙГ СЭЖИГЛЭН ШАЛГААГҮЙ ГЭЛЭЭ

Дорноговь аймгийн Замын-Үүд суманд гуравдугаар ангийн найман настай охин энэ сарын хоёрны өдөр алга болсон. Тэгвэл охиныг Замын-Үүдийн цагдаагийн газар болон нутгийн иргэд нэгдэж хайх ажиллагааг явуулсаар байна. Замын-Үүдийн цагдаагийн хэлтсээс Эрээн дэхь МУ-ын Консулд тодорхой албан тоот хүргүүлж мэдэгдсэн байна.

Энэ сарын хоёрны өдөр Дорноговь аймгийн Замын-Үүд сумын гуравдугаар ангийн сурагч Сэржмядаг гэх охин алга болсон билээ. Тэгвэл охиныг хайх ажил үргэлжилж байна. Эхний өдөр 250 гаруй алба хаагчид болон сайн дурынхан охиныг хайж байсан бол өнөөдрийн байдлаар 510 гаруй төрийн болон төрийн бус байгууллагууд замын-Үүд сумын хилийн цэрэг , гаалийн газрууд гэх мэт байгууллагууд эрэн хайх ажилд оролцож байгаа аж. Мөн охиныг хил давуулсан байж болзошгүй тул Замын-Үүдийн цагдаагийн хэлтсээс Эрээн хот дахь Монгол Улсын консульд мэдэгдэж хайх арга хэмжээ явуулж байгаа юм. Мөн Охины аав ээжийг цагдаагийн байгууллага сэжиглэн шалгаж байгаа гэх мэдээлэл цацагдаад байгаа бөгөөд үүнийг цагдаагийн байгууллагаас үгүйсгэлээ.

ЦЕГ-ын Хэвлэл мэдээллийн төвийн дарга Н.Ганбадрал иргэдийг эрэн хайх ажиллагаанд хувь нэмэр оруулж, охины талаарх мэдээллийг 70527102 дугаарын утсанд өгнө үү гэдгийг уриалж байсан юм.