У.ХҮРЭЛСҮХИЙН ЗАСГИЙН ГАЗРЫН ГИШҮҮД АН-ЫНХАНД ТААЛАГДАХАА БАЙВ

УИХ-ын гишүүн О.Баасанхүү Ж.Эрдэнэбатын Засгийн газрыг огцруулах хурлаар АН-ынханд хандаж, та нар МАН-ыг хоёр хувааж, энэ засгийг газрыг унагасан хариуцлагаа хүлээгээрэй. Цаашид У.Хүрэлсүхийг засгийн газарт түшиг болж яваарай даа хэмээн хэлж байсан удаатай. Тэгвэл АН-ынхан У.Хүрэлсүхэд түшиг болж, Засгийн газрыг нь тогтвортой ажиллах бодлого барих нь битгий хэл, түүний ЗГ-ыг шүүмжлээд эхэллээ.

Мэдээж АН-ын хувьд сөрөг хүчин. Тиймээс тэдэнд эрх баригч намынхан ажлаа хийж чадахгүй, өөр хоорондоо муудалцаж, бие биеэ элдэвлэх нь таашаалтай байх нь ойлгомжтой юм. Угаасаа л улстөрийн бичигдээгүй дүрэм тийм л байдаг. Өчигдөр байнгын хорооны хуралдаан дээр АН-ын дарга С.Эрдэнэ МАН-ынханд засгийн газрын сайд нараа замбараатай байлгахыг санууллаа.

Ямартай ч дотооддоо том хагаралдсан МАН-ын 65-ын бүлэг АН-ын гишүүдийн аманд багтаж, сөрөг хүчний цөөн хэдэн гишүүдийн ёжтой, хоржин үгэнд булуулж буй дүр төрх ажиглагдах болов.

Б.Ирээдүй