ОРОН НУТГИЙН ЗАМД АЮУЛГҮЙ БАЙДЛАА ХАНГАХЫГ СЭРЭМЖЛҮҮЛЖ БАЙНА

Өнөөдөр 14.00 цагийн байдлаар хаагдсан зам даваа байхгүй байна.

Өнөөдөр Улаанбаатар хотод их хэмжээний цас орно. Салхины хурд 12-14 метр секунд хүрнэ. 0-2 хэмийн хүйтэн байна гэж мэргэжлийн байгууллагаас мэдээлж байна.

Мөн ихэнх нутгаар нойтон цас орж хүйтрэх бөгөөд хучтэй салхи шуурганы үеэр авто замын зорчих хэсэгт үүссэн хальтиргаа гулгааны улмаас зам, тээврийн осол гарах, тээврийн хэрэгсэл олноор замд саатах, эвдрэх, холбоогүй болох зэрэг тохиолдол гарч болзошгүй бөгөөд зорчигчдын амь нас, эрүүл мэндэд эрсдэл үүсэх болзошгүй тул сэрэмжлүүлж байна. Мөн Булган, Төв, Хэнтийн өмнөд хэсгээр ахиухан хэмжээний цас орох тул

– Иргэд, малчид, тээврийн хэрэгслийн жолооч та бүхэн орон нутгийн замд онцын шаардлагагүй бол зорчихгүй байх,

-Шуурганд төөрөх, малтайгаа уруудах, осгох, амь насаа алдах зэрэг эрсдэлээс урьдчилан сэргийлж, хүүхдийг хараа хяналтгүй орхихгүй байх

-Хүчтэй цасан шуурганы үеэр үзэгдэх орчин хязгаарлагдах, автозам, даваа цасанд хаагдах, хальтиргаа гулгаа үүссэний улмаас тээврийн хэрэгсэл саатах, бөөгнөрөл үүсэх зэрэг хүндрэл гардаг учир хүчтэй салхи шуурганы үед замд гарахгүй байх, зайлшгүй шаардлагатай тохиолдолд хол, ойрын замд гарахдаа тээврийн хэрэгслийн найдвартай байдлыг хангаж бензин, шатахууны нөөцтэй, дулаан хувцастай зорчиж аюулгүй байдлаа хангахыг нийслэлийн Онцгой байдлын газраас сэрэмжлүүлж байна.