​АВТОТЭЭВРИЙН ҮНДЭСНИЙ ТӨВӨӨС ЗАМЫН НӨХЦӨЛ БАЙДЛЫН ШУУРХАЙ МЭДЭЭ ХҮРГЭЖ БАЙНА

Автотээврийн үндэсний төвийн Хөдөлгөөний удирдлага, хяналтын төвөөс 2017.11.05-наас өнөөдрийн 11.00 цаг хүртэлх цаг агаарын болон замын нөхцөл байдлын талаарх мэдээллийг шуурхай мэдээлж байна.

• üАрхангай аймаг нойтон цастай, зам мөсжилттэй,
• üБаянхонгор аймагт 2017.11.06-ний 09:00 цагаас хойш цас орж байна. Шарт болон Бумбатын даваа халтиргаатай байна.
• üБулган аймагт замын нөхцөл байдал халтиргаа, гулгаатай байна.
• üДархан аймагт 2017.11.05-ны өдрийн 22:30 цагаас хойш цас орж байна. Хонгор сум-Улаанбаатар чиглэлд зам халтиргаатай байна. АЗЗА болон ОБЕГ-тай холбогдон ажиллаж байна. Зам даваа хаагдаагүй.
• üӨвөрхангай аймгийн Бат-Өлзий суманд цас орж, замын нөхцөл байдал халтиргаа, гулгаатай байна.
• üОрхон аймагт 2017.11.05-ны өдрөөс эхлэн цас орж байна. Их, бага Хөшөөтийн зорчих хэсэг хэвийн байна. Говь-Алтай, Сэлэнгэ, Сүхбаатар, Баян-Өлгий, Завхан , Увс, Ховд, Хэнтий, Хөвсгөл, Дорнод, Өмнөговь, Замын-Үүд, Говьсүмбэр, Дундговь, Дорноговь аймгуудад цас ороогүй, зам даваа хэвийн байгаа талаар Автотээврийн үндэсний төвөөс мэдээллээ.

Мөн ойрын үед ихэнх нутгаар нойтон цас орж, хучтэй салхи шуурганы үеэр тээврийн хэрэгсэл олноор замд саатах, , эвдрэх, холбоогүй болох зэрэг тохиолдол гарч болзошгүй тул тээвэрчид, ард иргэдэд онцын шаардлагагүй бол хувийн тээврийн хэрэгслээр зорчихгүй байхыг, зорчих тохиолдолд хурдаа зөв тохируулан замын хөдөлгөөнд анхаарал болгоомжтой оролцохыг сэрэмжлүүлж байна.

Түүнчлэн "Автотээврийн үндэсний төв" ТӨҮГ-ын гэрээт аж ахуйн нэгжийн найдвартай, баталгаатай, даатгалтай, мэргэшсэн жолоочтой, 24 цагийн хяналттай тээврийн хэрэгслийг сонгон үйлчлүүлэхийг анхааруулж байна.