ОЛОН НИЙТИЙН СҮЛЖЭЭГЭЭР ХУДАЛ МЭДЭЭЛЭЛ ТАРААХГҮЙ БАЙХЫГ АНХААРУУЛЛАА

21 дүгээр сургуулийн сурагчийг хулгайлахыг завдсан гэх мэдээлэл гараад байсан. Тэгвэл энэ үйл явдал нь худал бөгөөд худал мэдээлэл олон нийтийн сүлжээнд тарааж олон нийтийг айдаст автуулахгүй байхыг цагдаагийн газраас анхаарууллаа.

Хүүхэд хулгайлахыг завдсан тохиолдол өнгөрсөн сарын байдлаар бүртгэгдээгүй гэдгийг хэлж байгаа юм. Гэсэн ч эцэг эхчүүд бага насны хүүхэддээ тавих хараа хяналтаа сайжруулахыг цагдаагийн байгуууллагаас анхааруулж байна. Мөн олон нийтийн цахим сүлжээнд гарч буй худал мэдээллүүдийг баттай эх сурвалжгүй тохиолдолд цааш түгээхгүй иргэдэд санууллаа.

Зарим иргэд цахим сүлжээнд байгаа тухайн мэдээллийн талаарх ойлголтгүй байж "Хүүхдээ хамгаалаарай эцэг эхчүүдээ бага насны хүүхдийг хулгайлахыг завдсан хэрэг гарлаа" гэх бодит бус мэдээг тарааж, нийгмийг айдаст автуулах байдал байгаа учраас олон нийтийг айдаст автуулсан мэдээлэл дээр болгоомжтой хандаж байхыг анхааруулж байна. Эцэг эхчүүд нь хүүхдүүдээ хараа хяналт тавьснаар цаашлаад гарах хэрэг зөрчлүүдийг бууруулж эд хөрөнгө амь насаараа хохирохгүй байх давуу талуудыг бий болгож байгаа аж.