​ХҮЧИРХЭГЖҮҮЛЭХ ГЭЭД 30 ГЭР БҮЛ ГЭЭД ХЭЛЧИХСЭН ӨӨРСДӨӨ ОРООД ЯВЧИХ ЮМ ШИГ БАЙНА ШҮҮ ДЭЭ

Монголын баялгийг цөлмөж байгаа 30 гэр бүлийн асуудал Ерөнхийлөгчийн хоригтой холбоотойгоор гарч ирсэн. Гэвч энэ гучин гэр бүл яг хэн хэний гэр бүл вэ гэдэг нь оньсого хэвээрээ. Ерөнхийлөгчийн тамгын газрын дарга З.Энхболд бол түүнийг ард түмэн өөрсдөө ол..., ер нь ард түмэн өөрсдөө хэлсэн. Хэнд ч ойлгомтой асуудал гэх мэт тайлбарыг хийж байгаа.

Энэ талаар хүмүүс янз бүрийн зүйл ярьж байгаа. Тэгвэл УИХ-ын гишүүн Л.Элдэв-Очир ийнхүү ярьжээ. Тэрбээр "Энэ бол сонгуулиар гаргаж ирсэн, ард түмэнд дургүйцэл төрүүлээд энэ хүмүүст хариуцлага тооцчихоор болчихно гэсэн байдлаар улс төрийн арга ядсан Пи-ар явсан юм. Түүндээ итгээд ерөөсөө 300 гэр бүлийн асуудал Монголын ард түмний дотор гараад ирлээ шүү дээ. Ерөнхийлөгч эв нэгдлийн бэлгэдлийн хувьд энэ нь хариуцлагагүй мэдэгдэл. Ард түмнийг хоёр хувааж байна. Нийгмийн массыг буруу зүйл рүү өдөөж буй зүйл. Тэгээд 30 хүнээ нэрлээч гэхээр "Та нар өөрсдөө олцгоо" гээд хэлээд сууж байгаа нь хаашаа юм. Үнэхээр тийм 30 хүн байдаг бол яг сайхан нэрлээд, ийм ийм учиртай энэ хүмүүс бол Монгол Улсын дайсан гэдэг ч юм уу зарлах хэрэгтэй шүү дээ. Тэгээд сонсохоор "Өөрсдөө олцгоо" гээд. Түрүүчээсээ эрэл хайгуул хийгээд эхэлж байна л даа. Ашиглалтын лицензтэй, хайгуулийн лицензтэй гээд. Лиценз нь хувь хүн дээр олгогддоггүй юм байна. Компаниудаар нь гаргаад тавьчихсан байна лээ. Та бүхэн үзсэн байх.

Тэрийг ингээд харахаар нөгөө 30 гэр бүлийг адлаад байдаг Ерөнхийлөгчийн хүргэнийх нь компани дотор нь байна. Би өнөөдөр л олж мэдлээ. Хүн нү компани чинь ерөнхийлөгчийн хүргэний компани юм байна. Тус компанийн 90 хувь хүргэнийх нь эзэмшил юм байна. Хүн рүү чичлээд байсан хүмүүсийн өөрсдийнх нь компани гэх мэтээр гараад ирэхээр ийм дүр зураг харагдаж байна. Энэ хүмүүсийг тогтоох арга нь юу вэ гэхээр хамгийн их лиценз эзэмшдэг компаниуд гэсэн. Тэрийг нь гаргаад ирэхээр тиймэрхүү л юм гарах шинжтэй. Яагаад зарлахгүй удаад байсан юм. Тодорхой зарлаагүй шалтгаан нь энэ байх шиг байна. Энэ нь сонгуульд хэрэглэх гэсэн хар ПИ-Арыг итгэл үнэмшилтэй болгох гэсэн л оролдлого.

2012 – 2016 онд ядуурал, ажилгүйдэл асар их болчихлоо шүү дээ. Ард түмэн дургүйцээд өлөн зэлмүүн амьдраад байгаа нь үнэн. Хүнд байдалд орсон ард түмэн цаашаа яаж амьдрах вэ гэж байтал тэнд нь та нарын дайсан энэ шүү гээд баялаг бүтээгчдээ, ажлын байр бий болгож буй хүмүүсээ эд нартай тэмц гэж ард түмний хараанд онилуулж эв нэгдлийг хагаралдуулж болохгүй. Энэ бол дэндүү муухай үйлдэл. Ингэж ерөөсөө болохгүй. Тэр 30 жагсаалтад манай компани, миний хувь эзэмшиж байсан компани ч байхгүй юм билээ.

Нүүрсний компани гээд ярьдаг байсан. МCS компани хамаг юм авчихсан юм шиг ойлгоод байсан. Түүн дээр нь хүчирхэгжүүлэх гээд 30 гэр бүл гээд хэлчихсэн. Гэтэл тэр зарлах гээд байгаа 30 гэр бүлдээ өөрсдөө ороод явчих юм шиг байна шүү дээ. Тэгвэл яах юм байгаа юм. Ер нь хэлэх, хийх үйлдлээ нэг бодож баймаар байгаа юм. Ард түмнийг ядуу зүдүү, хүнд байгаагаар нь далимдуулаад, нийгмийг буруу зүйл рүү уриалж болохгүй" хэмээв.