СҮҮ ХК ЖИЛД 18 САЯ ЛИТР СҮҮГ МАЛЧИН ӨРХӨӨС ГЭРЭЭГЭЭР АВДАГ БАЙНА

Манай мэдээллийн хөтөлбөр өдөр бүр үзэгчиддээ сайн мэдээг хүргэж байгаа. Өнөөдөр Сүү хувьцаат компанийг онцолж байна. Тус компани нь 2500 гаруй сүү бэлтгэн нийлүүлэх малчин иргэдтэй гэрээтэй ажилладаг. өдөр тутмын хэрэглээ болсон сүүг иргэд худалдан авсанаар эргээд малчин өрхийн санхүүд хөрөнгө оруулалт болж байгаа гэсэн үг юм Тус компани нь нийслэл хотын хүн амыг эрүүл экологийн цэвэр бүтээгдэхүүнээр хангахын тулд малчидтай гэрээгээр ажилладаг. Ингэж гэрээтэй ажиллаж шингэн сүүг нь худалдан авсанаар малчдын хувьд байнгын орлоготой малаас авч байгаа ашиг шимээ өрхийнхөө санхүүд нэмэрлэх ач холбогдолтой юм. Харин эргээд нөгөө талдаа сүү компани хүн амыг нрүүл экологийн цэвэр бүтээгдэхүүнээр хангах боломж бүрдэж харилцан ашигтай бизнес эрхэлж байна. удахгүй 60 жилийн ой нь тохиох гэж байгаа ууган үйлдвэр болох сүү хувьцаат компани 80 гаруй бүтээгдэхүүнийг үйлдвэрлэж худалдаанд гаргаж байгаа төдийгүй үндсэн 5 бүтээгдэхүүнийг нийслэлчүүдийн өдөр тутмын хэрэгцээнд зориулан үйлдвэрлэж байна. Мөн энэ жил тус компани монголын хүнсчдийн холбооноос хөдөөгийн хөгжилд үнэтэй хувь нэмэр оруулсан компаниар шалгарсан байна. тус компани нь малчин өрхөөс зөвхөн сүү аваад зогсохгүй эргээд малыг нь эрүүлжүүлэх, сүргийн шинэчлэл хийхэд нь хувь нэмрээ оруулж өвөл хаврын улиралд малчидруу чиглэсэн өвлийг өнтэй давахад нь туслах зорилгоор сайн үйлсийн аяныг жил бүр зохион байгуулдаг гээд маш олон ажлуудыг малчидтайгаа хамтран явуулдаг байна.