​"ХҮҮХДИЙН ЭРҮҮЛ МЭНДЭД ТУЛГАМДАЖ БУЙ АСУУДАЛ" СЭДВИЙН ХҮРЭЭНД 2000 СУРАГЧИЙГ СУРГАЛТАНД ХАМРУУЛАВ

Баян-Өлгий аймгийн прокурорын газар, аймгийнхаа Цагдаагийн газар, Хүүхэд, гэр бүл, залуучуудын хөгжлийн газар, Эрүүл мэндийн газартай хамтран сургуулийн өсвөр насны хүүхдийг гэмт хэрэг, зөрчлөөс урьдчилан сэргийлэх, хууль эрх зүй, ёс суртахууны болон хүмүүжлийн талаар анхан шатны мэдлэг олгох сургалтыг 10 дугаар сарын 19-29-ний хооронд 10 хоногийн хугацаанд зохион байгуулжээ. Хүүхэд оролцсон гэмт хэрэг, зөрчлийн шалтгаан нөхцлийг арилгах зорилгоор зохион байгуулсан тус сургалтын хүрээнд "Гэмт хэргээс урьдчилан сэргийлэх нь", "Өсвөр насны хүүхдээс үйлдэж буй гэмт хэргийн шалтгаан нөхцөл", "Цахим тоглоомын хор уршиг", "Хүүхдийн эрүүл мэндэд тулгамдаж буй асуудал" зэрэг сэдвүүдээр Ерөнхий боловсролын 11 сургуулийн 7-12 ангийн нийт 2000 гаруй сурагчдад сургалт оржээ. Сургалтыг зохион байгуулснаар хүүхэд оролцсон гэмт хэрэг, зөрчил буурах, хууль эрх зүй, ёс суртахууны болон хүмүүжлийн талаар анхан шатны мэдлэг олж авах, сургуулийн орчимд гардаг зам тээврийн осол, хэрэг буурах зэрэг олон талын ач холбогдолтой юм байна.