МАХН МОНГОЛЫН ҮЙЛДВЭРЧНИЙ ЭВЛЭЛИЙН ХОЛБООНД САНААРХАЖ ЭХЛЭВ ҮҮ?

Сүүлийн үед Монголын үйлдвэрчний эвлэлийн холбооны удирдлага хууль бусаар хөрөнгөжиж байгаа тухай мэдээлэл олон нийтийн дунд тархах боллоо. Тэгвэл тус холбооны өнөөгийн удирдлагууд энэ нь улс төрийн зорилготой цэвэр гүтгэлэг явуулж байна гэсэн тайлбарыг өгч байна.

Уг нь байгаа үгүй нь барагтай бол мэдрэгдээд байдаггүй байгууллагын нэг нь Монголын Үйлдвэрчний эвлэл. Одоо бол идсэн уусан гэсэн нэр хаягтай л явж байх шиг байна. Өмч хөрөнгө хэрхэн үрэгдэж, гишүүдийн татвараар хуримтлагдаж бий болсон мөнгө гарын салаагаар асгарч байнагэж тус холбооны нягтлан бодогч Гэрэлмаа гэх эмэгтэй анх нийтэд дэлгэсэн. Гэвч үүнийг улстөрийн захиалгат гүтгэлэг гэж байна. : "Үйлдвэрчний эвлэлийн байгууллага бол улс төрийн намуудаас тусдаа үйл ажиллагаа явуулах учиртай тусгай чиг үүрэг бүхий байгууллага. Ийм байхад нэр бүхий улс төрийн нам цаашдын зорилгоо биелүүлэх үүднээс Үйлдвэрчний эвлэлийн байгууллагыг үзэл санааны хэрэгсэл болгон ашиглахаар зорьж буй харамсаж байна" гэж мэдэгсэн юм.

МҮЭХ-ноос мэдэгдэхдээ энэ дурдагдаа байгаа нам бол МАХН гэдэг нь тодорхой боллоо. МҮЭХ-ны дэд ерөнхийлөгч С.Эрдэнэбат "Манай байгууллагын нягтланг ажлаас чөлөөлөгдөх тушаал нь гараагүй байхад өөр байгууллагад шилжүүлж, улмаар нягтлан хүн бичвэл итгэл үнэмшил төрнө гэх үүднээс түүний нэрээр гүтгэлгийн шинж чанартай материалуудыг хэвлэлээр түгээсэн явдал хүртэл гарлаа" гэжээ. Энэ бүхнээс харвал МАХН энэ байгууллагад гар хөлөө нэлээн лав дүрж, нэр нүүрийг нь улс төрийн зорилгодоо ашиглах гэж байна уу гэсэн хар төрж байна.

Ямар ч байсан Үйлдвэрчний эвлэлийн холбоо гэх энэ байгууллага улс зорилгын золиос болох уу гэсэн асуулт олон хүний дунд явж байна. 230 гаруй мянган гишүүнтэй тус байгууллагыг ашиглах, Тэднийг улс төрийн зорилгодоо ашиглах сонирхол МАХН-д байна гэсэн байр суурийг МҮЭХ-ны удирдлагууд мэдэгдэж байгаа юм.