​ИРЭХ САРААС ЛИЦЕНЗ ОЛГОЖ ХЭВИЙН АЖИЛЛАГААНДАА ОРНО ГЭВ

Ашигт малтмалын салбарын лиценз олголт дэндүү замбараагүй байгаа учраас салбарын шинэ сайд нь зөвшөөрөл олгохыг түр хойшлуулаад байгаа билээ. Тэгвэл энэ асуудал хоёр хоногийн дараа цэгцрэх бөгөөд лиценз олголт эхлэх юм байна. Тэрбээр энэ тухайгаа "Ашигт малтмалын хайгуулын тусгай зөвшөөрөл, сонгон шалгаруулалтын журмаар олгох үйл ажиллагаа болон хайгуулын тусгай зөвшөөрлийн өргөдлийг цахимаар авахтай холбоотойгоор олон нийт, аж ахуйн нэгжийн зүгээс санал, гомдол ихээр ирүүлсээр байгаа. Тиймээс хариуцлага, сахилга бат алдагдсан энэ байдлыг цэгцэлье гэдэг үүднээс түр хойшлуулах чиглэл өгсөн. Журмаа шинэчлэн батлаад, ирэх сарын сүүлээр тусгай зөвшөөрөл олголтын доголдол, алдааг арилган, зөв горимд шилжүүлснээр олгож эхэлнэ гэж төлөвлөж байна" гэжээ.