ЕРӨНХИЙ САЙД У.ХҮРЭЛСҮХ ЗАЛУУЧУУДААР БАГАА БҮРДҮҮЛЖ ЭХЭЛЛЭЭ

Засгийн газрын Хэвлэл мэдээлэл олон нийттэй харилцах хэлтсийн даргаар Ц.Ганзоригийг томилсон байна. Ц.Ганзориг нь Ийгл телевизийн ерөнхий ерөнхий пордюсераар ажиллаж байсан бөгөөд хэвлэлийн салбарт 10 гаруй жил тасралтгүй ажиллаж байгаа нэгэн. Тэрбээр инженер, сэтгүүлч мэргэжилтэй. Сэтгүүлзүйн салбарт 2008 оноос хойш "С1", "Бтв", телевизэд улс төр, эдийн засгийн сэтгүүлч, "Ийглньюс" телевизэд эдийн засгийн албаны дарга, ерөнхий продюсерээр ажиллаж байсан. Ц.Ганзориг нь эдийн засаг, улс төрийн мэдээ, нэвтрүүлэг, хэлэлцүүлэг голлон хийдэг бөгөөд хөрөнгийн зах зээлийн дээд шагнал "Грандбулл"-ын эзэн сэтгүүлч. Тэрбээр "Хэвлэлийн хүрээлэн", "АНУ-ын олон улсын хөгжлийн агентлаг" хамтарсан эдийн засгийн шилдэг бүтээл, шилдэг эдийн засгийн шагналыг хоёр ч удаа хүртэж байсан юм.

Харин Ерөнхий сайд У.Хүрэлсүхийн хэвлэлийн төлөөлөгчөөр Ө.Золбаярыг томилжээ. Ө.Золбаяр нь Ийгл телевизийн ахлах продюсераар ажиллаж байсан бөгөөд хэвлэлийн салбарт мөн л 10 гаруй жил тасралтгүй идэвхтэй ажиллаж байгаа нэгэн юм.

Ө. Золбаярын товч намтар

Эцгийн нэр: Өлзийбаяр.

Нэр: Золбаяр.

Төрсөн он, сар, өдөр. 1984. 03. 08.

Яс үндэс: Халх.

Гэр бүлийн байдал: Гэрлэсэн.

Ам Бүл: 6, эхнэр 4 хүүхдийн хамт амьдардаг.

Боловсрол:

• 2001 -2006 онд Монгол улсын шинжлэх ухаан технологийн их сургууль, Эрчим хүчний инженерийн сургуулийн цахилгаан системийн ангийг бакалавр зэрэгтэй төгссөн.

•1999 – 2001 онд Монгол улсын шинжлэх ухаан технологийн их сургуулийн математикийн гүнзгийрүүлсэн сургалттай лицей анги төгссөн

Сургалтад хамрагдсан байдал:

• 2014 онд СNN-ийн загварыг судлах

• 2013 онд СNN-ийн төлөвлөлт арга зүйг судлах

• 2005 онд "Мишээл" агентлаг, хөтлөгч сэтгүүлзүйн курс

Шагнал:

• 2014 онд "Хэвлэл мэдээллийн тэргүүний ажилтан" Монголын сэтгүүлчдийн нэгдсэн эвлэлээс.

• 2010 онд "Ган үзэгтэн". Монголын сэтгүүлчдийн нэгдсэн эвлэлээс.

• 2009 онд "Ардчилсан хувьсгалын 20 жилийн ойн медаль" Монгол улсын ерөнхийлөгчөөс.

• 2007 онд "Оны шилдэг залуу-медаль" Монголын ардчилсан залуучуудын холбооноос.

• 2007, 2008, 2009, 2010 онуудад "Байгууллагын оны шилдэг ажилтан", ТМ телевизээс.

Ц.Ганзориг, Ө.Золбаяр нарын нь Засгийн газрын хэвлэлийн албанд томилогдож байгаа анхны залуу дарга нар юм.