ГАМШГААС ХАМГААЛАХ КОМАНД ШТАБЫН СУРГУУЛЬ ЭХЭЛЛЭЭ

Онцгой байдлын ерөнхий газраас Архангай аймагт зохион байгуулж буй Гамшгаас хамгаалах команд штабын сургууль өнөөдөр 06:30 цагт "Яаралтай цуглар" зарлан мэдээллийн дуут дохиогоор эхэлж, хэлтэс албадын удирдлагууд, алба хаагчид, сумдын дарга нар, аж ахуй нэгжүүд бэлэн жагслаа. Жагсаалд 500 гаруй хүн, 40 гаруй тээврийн хэрэгсэл бэлэн жагссан байна.

Сургуулийн үеэр аймгийн Онцгой комисс, сумдын Засаг дарга, гамшгаас хамгаалах орон нутгийн алба, аж ахуйн нэгж байгууллагуудын гамшгаас хамгаалах хүч хэрэгслийн бэлэн байдлыг шалгаж, жагсаалын жигдрэлтийн сургуулийг явууллаа.

Гамшгаас хамгаалах команд штабын сургуулийн энэ үеэр Архангай аймаг өндөржүүлсэн бэлэн байдалд ажиллаж байна.Гамшгаас хамгаалах команд штабын сургуулийн нээлтийн арга хэмжээнд Сургуулийн удирдагч, ОБЕГ-дэд дарга, хурандаа Б.Ууганбаяр, Аймгийн Засаг дарга Ц.Мөнхнасан, Онцгой байдлын газрын дарга, дэд хурандаа Д.Эрдэнэбаатар нарын удирдлагууд оролцож байна.

Гамшгаас хамгаалах команд штабын сургуулийн үеэр Аймгийн Онцгой комисс, сумдын Засаг дарга, гамшгаас хамгаалах 12 албадын удирдах бүрэлдэхүүн "Бүх шатны нутгийн захиргааны байгууллага, гамшгаас хамгаалах орон нутгийн албад, мэргэжлийн ангийн гамшгаас хамгаалах төлөвлөлт, бэлэн байдал, тэдгээрийн харилцан ажиллагаа" сэдвийн хүрээнд ажиллана. Одрргийн байдлаар 170 гаруй удирдах албан тушаалтнуудын сургууль дадлага явагдаж, "Газар хөдлөлт" гэсэн цагийн байдлын дагуу ажиллаж байна.

Дараа нь ой хээрийн түймэр, зудын нөхцөл байдлыг үнэлэх зэрэг цагийн байдлын өгөгдлийн дагуу бүлгээр ажиллана.