ГАР УТАС ТАНЫГ ЧИМЭЭГҮЙ, ХАРИН ХӨНӨӨЖ БАЙНА

Ухаалаг гар утас, нөүтбүүк, таблет, зурагт гэх зэрэг нь өнөөдөр өдөр тутмын амьдралын зайлшгүй хэрэглээний нэг болсон. Гэхдээ орчин цагт хөгжиж байгаа ухаалаг утасны хэрэглээгээ тохируулж байхгүй бол таны эрүүл мэндийг аажмаар идэж байна.

Одоо эдгээр нь зөвхөн томчууд гэлтгүй бага насны хүүхдүүдийн өргөн хэрэглээнд шилжжээ. Эцэг эхчүүд уйлсан хүүгээ эсвэл хоол идэхгүй хэмээн зөрүүдэлсэн охиноо аргадахдаа таблет, гар утсаа өгдөг. Зарим эцэг эхчүүдийн хувьд энэ нь асуудлыг шийдвэрлэх үр дүнтэй болоод хамгийн хурдан арга байж болох ч эдгээр технологиуд хүүхдэд тань ямар сөрөг дагавар авчрахыг тэр бүр мэддэггүй. Өнгөрсөн онд ЮНЕСКО-гоос гаргасан судалгаагаар 3-5 насны хүүхдүүдийн 93 хувь нь долоо хоногт 28, өдөрт 4 цагийн турш зурагт үздэг нь тогтоогджээ. Ухаалаг төхөөрөмжүүд хүүхдийн хөгжилд сөрөг болон эерэг нөлөө үзүүлнэ. Хамгийн гол нь та хүүхдээ ухаалаг төхөөрөмжөөс хараат байлгахгүйг хичээж, түүнийг хэрэглэх зориулалт, цагийг хянах хэрэгтэй юм.

Хятадад 21 настай эмэгтэй өдөр бүр тасралтгүй гар утсаараа тоглодог байсны улмаас нэг нүд нь хараагүй болсон талаар тус улсын мэдээллийн хэрэгслээр мэдээлснийг "Daily Mail"уламжилжээ. Эмч нар 21 настай Ву Сяожинг бүсгүйн баруун нүд торлогийн артерийн бөглөрлийн улмаас юм үзэхгүй болсныг тогтоосон байна. Мөн эмч нар бүсгүйн баруун нүд харалган болсон шалтгааныг видео тоглоом тоглосонтой холбоотой хэмээн тайлбарлажээ. Ухаалаг утас, таблет зэрэг нь орчин үед өдөр тутмын салшгүй хэрэглээ болсон хэдий ч цагийг нь хязгаарлаж байх нь таны эрүүл мэндийг хамгаалах нэг арг зам болж байна.

Гар утас ямар сөрөг нөлөө үзүүлдэг вэ. Гар утас нь Зүрхний үйл ажиллагааг тогтворгүйжүүлдэг, Оюун ухаанд муугаар нөлөөлж, тархины үйл ажиллагааг удаашруулдаг гэсэн эрдэмтдийн судалгаа гарчээ. Мөн Гүнзгий стресс, оюун санааны хямралд оруулдаг байна. Сонсголд аажмаар муугаар нөлөөлдөг, Үр хөврөлийн хөгжилд муугаар нөлөөлдөг, Эмэгтэйчүүдийн үр зулбалтыг ихэсгэдэг,Эр бэлгийн эсийн тоог эрс багасгадаг болох нь тогтоогджээ. Тиймээс өнөөдөр ухаалаг гар утасны хэрэглээгээ тааруулах нь хамгийн том гарц юм гэж зөвлөмөөр байна.