ЖИЛД 300 МЯНГАН ИРГЭН ГАДААД РУУ БАЙНГЫН ЗОРЧИЖ БАЙНА

Монголчууд гадна улс орныг зорих нь сүүлийн жилүүдэд нэмэгдсэн байгаа юм. Жил бүр 300 мянган иргэн гадаадын улс орон руу янз бүрийн зорилгоор зорчиж байна. Монгол Улсын 130 мянган иргэн гадны улс орнуудад ажиллаж амьдардаг гэсэн мэдээлэл бий. Аялал, амьдрах, сурч боловсрох, ажиллах, албан ажлын шугамаар гадны улсыг зорьдог. Гэхдээ ийнхүү гадны улс орныг зорих болсон иргэдийн дийлэнх хувь нь ажиллаж амьдрах зорилгыг агуулан явдаг байна. Гадаад улсыг зорих иргэдийн цуваа цаашид ч нэмэгдэх хандлагатай байгаа талаар албаны хүн онцлон ярьж байна.

ОӨУБЕГ-ЫН ИБГ-ЫН ГАДААДАД ЗОРЧИХ ЭРХИЙН БҮРТГЭЛИЙН ХЭЛТСИЙН ДАРГА Ч.ДАШНЯМ

Манай улсын иргэдийн хувьд бичиг баримтандаа маш хариуцлагагүй ханддаг бөгөөд гадаад паспортоо гээх, хугацааг нь хайхрахгүй байж байгаад хугацааг нь тулган захиалах тохиолдол нэлээн байдаг аж. Тиймээс иргэд цагийг нь тулган бичиг баримтаа бүрдүүлэх гэж сандрах биш, харин эртнээс бичиг баримтныхаа бүрэн бүтэн байдалд анхаарал хандуулж байх шаардлагатайг албан хүн зөвлөж байна. Монгол иргэд гадаадын 168 оронд зорчих шаардлага хэрэгцээ нэмэгдсээр байна. Өдөрт 1000 гаруй иргэн гадаад пасдортын үйлчилгээ авахаар ханддаг бөгөөд энэ нь цаашид ч үргэлжилсээр байх төлөвтэй байгаа юм.