​ДОЛООН ИРГЭНИЙ ЦОГЦСЫГ 3200 МЕТР ӨНДӨРТ ХАДАН ХЯСААНЫ ОЙРОЛЦООГООС ОЛЖЭЭ

Отгонтэнгэр ууланд авираад бууж явсан уулчид буцах замдаа цасан нурангид сураггүй болсон бөгөөд албаны хүмүүс эрэн хайх ажиллагааг үргэлжлүүлж байгаа юм. Өнөөдрийн эрэн хайх ажиллагааг өглөөний 6 цагт эхлүүлсэн байна. Түүнчлэн ОБЕГ-аас орон нутагт ажиллаж байгаа эрлийн багийг удирдлага зохион байгуулалтаар ханган ажиллаж байгаа шуурхай бүлгээс 11:30 цагт нэг хүний цогцос, 11:40 цагт хоёр хүний цогцос, 13:07 цагт дөрөв дэх, 14:28 цагт тав дахь, 15:15 цагт дахин хоёр хүний цогцсыг, нийт 7 иргэний цогцсыг далайн төвшнөөс 3200 метрийн өндрөөс эгч хядан хясаатай хэсгээс олжээ. Эрлийн багийг ахлан ажиллаж байгаа н.Ариунболд "Сураггүй болсон иргэд хадан хясаа руу унасан байх магадлалтай" гэх мэдээллийг өгчээ.

Одоогийн байдлаар осолдсон цогцсыг таних боломжгүй, ослын голомтод цагдаа, шүүх эмнэлгийн баг бүрэлдэхүүн ажиллаж байгаа аж.