ЭРЛИЙН СҮҮЛИЙН ҮЕИЙН НӨХЦӨЛ БАЙДЛЫН ТАЛААР МЭДЭЭЛЭЛ ХИЙНЭ

Отгонтэнгэр ууланд нуранги үүсч, бууж явсан уулчид сураггүй болоод байна. Ямартай ч холбогдох байгууллага эрэн хайх ажиллагааг үргэлжлүүлж байгаа бөгөөд гурван цогцос олдсон байгаа юм. Гэхдээ тухайн цогцос, уулчдынх мөн эсэх нь тодорхойгүй байгаа бөгөөд таниулах ажил хийгдэж байгаа аж. Уг мэдээллийг хүлээн аваад удаагүй байтал МҮОНРТ-ын Завхан аймагт ажиллаж байгаа сурвалжлагч 6 хүний цогцос олдсон тухай мэдээлсэн тухай цахим хуудаснаа бичигдлээ.

Сураггүй болсон уулчдыг эсэн мэнд олдоосой хэмээн Монгол хүн бүр сэтгэлдээ залбирч байна. Гэвч эхнээсээ таагүй мэдээлэл цацагдаж эхлээд байгаа нь найдлага тээн хүлээж буй хүмүүсийн сэтгэл зүйд ихээхэн цочрол өгөөд байгаа бололтой. Ямартай ч эрэн хайх ажиллагааны талаарх мэдээллийг ОБЕГ-аас 15 цагт албан ёсоор мэдээллэж, цогцос олдсон эсэх, уулчид мөн эсэхийг олон нийтэд мэдээлэх гэж байна.