ЗҮҮН ХОЙД АЗИЙН АЯЛАЛ ЖУУЛЧЛАЛЫН БҮС ХОТ БОЛОХ ЗОРИЛТ ТАВЬЖЭЭ


БНСУ-ын Пусан хотод албан ёсны айлчлал хийж байгаа нийслэлийн Засаг дарга бөгөөд Улаанбаатар хотын Захирагч С.Батболд тус хотод зохион байгуулагдаж байгаа "Нэг Ази" фестивалийн нээлтэд оролцлоо.

Пусан хотын цэнгэлдэх хүрээлэнд болж байгаа уг фестиваль нь гадаад, дотоодын жуулчдыг татах, соёл урлагийн салбараа хөгжүүлэх, залуучууд зөв боловсрол олгоход чиглэгддэг гэдгийг тус наадмыг зохион байгуулагчид хэлж байна.

3.5 сая хүн амтай Пусан хот олон улсын кино фестиваль, тайзны жүжгийн наадам, рок тоглолт болон нар угтах баяр, загварын шоу зохион байгуулж, жуулчдыг хотдоо ихээр татдаг. Сүүлийн үед Пусаныг гадаад жуулчдаас илүүтэй дотоодын иргэд нь их зорьдог болсныг онцолж байлаа. Цахлай шувууг бэлэгдэж, камелия цэцэг, модоор гоёдог энэ хот 1995 онд метрополитан буюу бие даасан хотын зэрэглэлтэй болсон түүхтэй.

2016 оны наймдугаар сард Пусан хотын дарга Со Бёнсү тэргүүтэй төлөөлөгчид Улаанбаатар хотод албан ёсны айлчлал хийж, 2 хотын хамтын ажиллагааны санамж бичигт гарын үсэг зурснаар Улаанбаатар-Пусан хотын харилцаа эхэлжээ.

БНСУ-ын Пусан хотын дарга Со Бёнсү "Нэг Ази" фестивалийн нээлтэд оролцож байгаа Нийслэлийн Засаг дарга бөгөөд Улаанбаатар хотын Захирагч С.Батболдтой зангиагүй уулзалт хийсэн. Уулзалтын эхэнд Пусан хотын дарга Со Бёнсү хэлэхдээ "Урилгыг минь хүлээн авч Пусан хотод айлчилж байгаа танд талархлаа. "Нэг Ази" фестивалийг өнгөрсөн жилээс эхлэн манай хот зохион байгуулдаг болсон. 2 дахь удаагаа энэхүү наадмыг өргөн дэлгэр хийж, 50 мянган хүн Пусаны цэнгэлдэх хүрээлэнд ирээд байна. Мөн наадмын хүндтэй зочноор Улаанбаатар хотын дарга болон ОХУ-ын Санктпетербург, Владивосток зэрэг хамтын ажиллагаатай хотын дарга нар ирсэн. Энэхүү фестивалийг үзэхээр гадаад дотоодын урлаг сонирхдог олон жуулчид иржээ. Мөн "Улаанбаатар чуулга"-ын бүжигчид, уран бүтээлчид ирсэнд талархаж байгаагаа илэрхийлэе" гэлээ.

Нийслэлийн Засаг дарга бөгөөд Улаанбаатар хотын Захирагч С.Батболд хэлэхдээ "Пусан хотод урьж, найрсагаар угтан авч байгаа та бүхэнд талархлаа. Улаанбаатар хот залуу хот. Залуучуудын хот. Түүнчлэн Зүүн хойд Азийн аялал жуулчлалын бүс хот болох зорилт тавьсан. Сүүлийн жилүүдэд аялал жуулчлалыг эрчимтэй хөгжүүлж байгаа Пусан хотын туршлагыг судалж байгаагийн зэрэгцээ соёл урлаг, аялал жуулчлалын салбарт хамтын ажиллагаагаа энэ удаагийн айлчлалаар өргөжүүлнэ гэдэгт итгэлтэй байна" хэмээн онцлов. Ажил хэрэгч уулзалтаар хамтын ажиллагааны хэд хэдэн баримт бичигт гарын үсэг зурж, иргэд хоорондын харилцааг хөгжүүлэх төсөл урагшилж байгаад талархаж байгаагаа илэрхийллээ. Маргааш хоёр хотын дарга ганцаарчилсан уулзалт хийхийн зэрэгцээ, хамтын ажиллагааны бичгүүдэд гарын үсэг зурна гэж нийслэлийн ЗДТГ-ын Хэвлэл мэдээлэл, олон нийттэй харилцах хэлтсээс мэдээллээ.


0
angry
0
care
0
haha
0
liked
0
love
0
sad
0
wow

Сэтгэгдэл (0)

ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.

Сэтгэгдэл бичигдээгүй байна

Шинэ мэдээ
Улаанбаатарт 17 хэм дулаан, бороо оройхгүй 1 цагийн өмнө
Ховд аймагт барилгын өргөгч тасарч дөрвөн хүн амиа алджээ 17 цагийн өмнө
У.Хүрэлсүх: Намайг Ерөнхийлөгч байх хугацаанд Үндсэн хуульд гар хүрэхгүй! 17 цагийн өмнө
37 дахь удаагийн “Номын баяр”-ын шилдгүүд тодорлоо    17 цагийн өмнө
Дорноговь аймгийн 12 сум хүнсний эрхийн бичгээс татгалзжээ 18 цагийн өмнө
Улаанбурхан өвчний лабораториор батлагдсан 2200 боллоо 21 цагийн өмнө
Нийслэлийн хэмжээнд 44 байршилд нөөцийн мах худалдаалж байна 21 цагийн өмнө
Б.Жавхлан: “Алт-3” хөтөлбөр валютын нөөц нэмэгдүүлэхэд ач тусаа өгнө 22 цагийн өмнө
Л.Оюун-Эрдэнэ: Сэтэрхий тэвнэ, сиймхий хадаг дээр ч орлогоо нотолж чадахгүй бол хариуцлага хүлээхэд бэлэн байна 22 цагийн өмнө
Бага ангийнхны зуны амралт 6-р сарын 9-нөөс эхэлнэ 22 цагийн өмнө
Х.Нямбаатар: Туул хурдны зам, хотын тойрог зам ашиглалтад орсноор түгжрэл 50 хувь буурна 23 цагийн өмнө
ЭХЭМҮТ: Хүүхэд, нярайн зүрхний нээлттэй мэс заслыг нутагшуулна 23 цагийн өмнө
Улаанбаатарт үүлшинэ, бороо орохгүй 23 цагийн өмнө
​ “GS25-ын 4 жилийн ой энэ сард тохиож байна” Өчигдөр
Э.Сайнзориг: Жил ирэх бүр хүмүүсийн худалдан авалт муудаж байна Өчигдөр
Агаарын бохирдол бууруулах ажлуудаа дулааны улиралд ч үргэлжлүүлж, Дулаанбаатар аян эхлүүлнэ Өчигдөр
​ Жюү жицү: Б.Наранхишиг “Их дуулга”-ын аварга боллоо Өчигдөр
​“Чингэлтэй фестиваль 2025” иргэдийн баярыг “шинэ чингэлтэй” уриан дор зохион байгуулж байна Өчигдөр
​Улсын харцага Г.Ганхуягийг цагдан хорих хугацааг шүүхээс дахин 30 хоногоор сунгажээ Өчигдөр
“Метро малл” худалдааны төвөөс Анкарагийн гудамж, Самбуугийн гудамж хүртэлх авто замыг хаажээ Өчигдөр