​"ИХ ОКТЯБРЬ-МОНГОЛ,ОРОСЫН СШУ-НЫ ХАРИЛЦАА" АРХИВЫН ҮЗЭСГЭЛЭН НЭЭЛТЭЭ ХИЙЛЭЭ

Энэ жил Монгол улсад орчин цагийн архивын салбар үүсч хөгжсөний 90 жилийн ой тохиож байна. Ойг угтан Архивын ерөнхий газрын үзэсгэлэнгийн танхимд "Их Октябрь-Монгол, Оросын соёл шинжлэх ухааны харилцаа" сэдэвт Монгол Улс , ОХУ-ын төрийн архивуудад хадгалагдаж байгаа 100 гаруй баримт бичиг, гэрэл зураг, баримтат киноноос бүрдсэн үзэсгэлэн нээлтээ хийлээ.

Уг үзэсглэн 1917-2017 оны хоорондох архивыг толилуулж ыайгаа бөгөөд үзэсгэлэн нь Их октябрь ба Монголын цагаагчин тахиа жилийн хувьсгал, Монгол Оросын соёл шинжлэх ухааны харилцаа Архивын салбарт хамтран ажиллах комисс 25 жилд гэсэн хэсгүүдээс бүрдэж байгаа юм байна.

Их октябрь ба Монголын цагаагчин тахиа жилийн хувьсгал хэмээх хэсэгт 1917 онд Орос Монгол оронд мандсан октябрийн их хувьсгал түүний үр дүнгийн талаар харуулсан байна. Монгол Оросын соёл шинжлэх ухааны харилцаа хэсэгт 1921 оны ардын хувьсгал ялснаар Монгол Улсад ШУ соёлын байгууллагуудыг байгуулахад Оросын ард түмний дэмжлэгийг олж, хоёр орны хамтын ажиллагааны туршид хамтран ажилласан гүйцэтгэлийн үр дүнгүүд багтсан бол Архивын салбарт хамтран ажиллах комисс 25 жилд хэсэгт Ионгол Улс ОХУ-ын архивын мэргэжлийн байгууллагууд хоорондын хамтын ажиллагааны хүрээнд хамтран ажиллах комиссын 25 жилийн хугацаанд зохион байгуулагдсан хурлын протоколуудыг тус тус дэлгэжээ. Энэхүү үзэсгэлэн 10 дугаар сарын 19 нөөс 11 дүгээр сарын 10-ны өдрийг хүртэл Архивын ерөнхий газрын үзэсгэлэнгийн танхимд иргэдэд нээлттэй дэлгэгдэж байна.