ӨМНӨГОВЬ АЙМАГ “ЗАЛУУЧУУДЫН ХӨДӨЛМӨР ЭРХЛЭЛТИЙГ ДЭМЖИХ ЗАГВАР ТӨВ”-ИЙГ БАЙГУУЛЖЭЭ

МУ-ын хүн амын 70 хувийг хөдөлмөрийн насны залуучууд эзэлдэг. Харин Өмнөговь аймгийн нийт хүн амын 40 хувийг буюу 20000 гаруйг 15-35 насны залуучууд эзэлдэг. Уул уурхай түлхүү хөгжиж, хүн ам олноор төвлөрсөнтэй холбоотой ажил хайгчдыг нэгдсэн мэдээллийн санд бүртгэж эхэлсэн. Өмнөговь аймгийн хувьд 9 сарын байдлаар 4500 гаруй идэвхигүй ажил хайгч, 600 гаруй идэвхитэй ажил хайгч бүртгэгдсэн байна. Түүнчлэн энэхүү төв байгуулагдсанаар ажил хайгчдыг нэгдсэн мэдээллийн санд бүртгэхээс гадна сургалт сурталчилгаа, ур чадварын, төсөл хэрхэн бичих сургалтанд хамруулна.

Залуучуудын хөдөлмөр эрхлэлтийг дэмжих загвар төвд хандсанаар хөдөлмөр эрхлэх хувийн төлөвлөгөөтэй болно, хөдөлмөр эрхлэх ур чадвараа үнэлүүлнэ, ажил идэвхитэй хайх арга техник эзэмшинэ, бусадтай туршлага сургамжаасаа хуваалцаж, ажлын ярилцлагад амжилттай оролцох талаар мэдлэг мэдээлэлтэй болохоос гадна Өмнөговь аймгийн хэмжээнд залуусын хөдөлмөр эрхлэлтийг нэмэгдүүлэх төсөл хөтөлбөрийг олноор хэрэгжүүлж байна. Энэ оны байдлаар 1000 гаруй иргэн шинээр ажилд оржээ. Бид хамтдаа аймгийн Засаг даргын үйл ажиллагааны хөтөлбөрт 5000-аас доошгүй ажлын байр бий болгох зорилтын хэрэгжилтэд онцгойлон анхааран ажиллаж байна.