СЭЛЭНГИЙН ТҮШИГ СУМАНД 5.0 МАГНИТУДЫН ХҮЧТЭЙ ГАЗАР ХӨДЛӨЛТ БОЛСОН БАЙНА

Сэлэнгэ аймгийн Түшиг сум, Ар-Нуга багийн "Байвын-Ам" гэдэг газар /сумын төвөөс хойд зүгт 3 км-т, Ө-105°06'00", У-50°36'00"/ энэ сарын 19-ний өдрийн 01:46 цагт 5.0 магнитудын хүчтэй газар хөдлөлт болсон байна. Энэ тухай мэдээллийг ООГХ-ээс утсаар ирүүлж тус аймгийн Онцгой байдлын газраар дамжуулан тус сумын ЗДТГ-ын даргаас тодруулахад мэргэжлийн ангийн 4 хүний бүрэлдэхүүнтэй ажлын хэсэг сумын төвийн бүх барилгад үзлэг хийхэд иргэдэд чичирхийлэл мэдрэгдсэн, хохирол учраагүй тухай мэлээлсэн өгчээ. Газар хөдлөлтийн мэдээллийг ҮАБЗ-ийн гишүүд, ОБЕГ-ын удирдлагуудад багц мессежээр хүргэсэн байна.