​Ө.ЭНХТҮВШИН: АЛБАН ТУШААЛЫН ТОХИРОО ХИЙГЭЭГҮЙ

Засгийн газрын гишүүн, Шадар сайдад нэр дэвшигчид нэр дэвшигч Ө.Энхтүвшинг хэлэлцсэн санал, дүгнэлтийг танилцуулж байна. Байнгын хорооны хуралдаанд оролцсон гишүүдийн олонх дэмжсэн бөгөөд түүнийг УИХ-ын чуулганы хуралдаанаар гишүүд хэлэлцэн шийдвэрлэж өгөхийг хүсэв.

О.Баасанхүү гишүүн асуулт асуув. Тэрбээр "Хэдхэн хоногийн өмнө бид нар ойлголцохгүй яах гээд байгаа юм. Ойлголцож байж учраа олно гэж байсан. Сайдаар тохиролцох байсан юм уу?

Ө.Энхтүвшин "Хоорондоо ойлголцож чадсан уу гэж асууж байна. Ойлголцсон. Гэхдээ албан тушаалын тохиролцоон дээр биш, үзэл бодол, үнэт зүйл, хариуцлага дээр ойлголцож байгаа. Заавал энэ албан тушаал дээр очих хэрэгтэй байсан юм бэ гэсэн асуулт ирж байна. Би эхлээд энэ засгийн газарт залуучуудыг түлхүү оруулъя гэж бодсон юм. Тэгээд 6 хүн дээр санал нэгдээд явуулсан. Зарим нь болсонгүй. Тэр шатан дээр журмын нөхөд эргэж ярилцаад улс орны байдал амаргүй. Нам дотроо ойлголцох асуудал байна. Туршлага байгаа учраас зүтгэ гэх асуудлыг ярилцсан юм. Тиймээс миний өөрийн бодлоос гадна, хамт олны шийдвэрт захирагдан явж байна. Хийх ажил их байна. Ажил хийе. Хариуцлагаа давхарлъя гэж бодсон үүднээс ийм сонголт хийж байна" гэх тайлбарыг хийв.