ХАЛААЛТЫН АСУУДАЛ ӨНӨӨДРӨӨС ХЭВИЙН БОЛНО

Нийслэлийн орон сууцны айлуудын халаалт муу байна гэсэн иргэдийн гомдол тасардаггүй. Харин албаны эх сурвалжууд "Дулаан, цахилгаан станц хэвийн горимоор дулаанаа шахаж байгаа, Дулааны талаар гомдолтой байгаа бол орон сууц нийтийн аж ахуйн компанидаа хандах хэрэгтэй гэсэн хариултыг өгдөг. Тэгвэл энэ талаар манай сурвалжлагч мэдээлэл бэлтгэжээ.

Иргэдээс гомдол, санал ихээхэн ирдэг ч орон сууцны контор, түгээлтийн газар, дулааны станц харилцан бие бие рүүгээ бурууг чихдэг ээ. Харин халаалт, халуун усны төлбөрийг хэрэглэгчид бүтэн тарифаар төлнө. Ус, халаалт тасарсан, улбагар, сулбагар байсан нь төлөх үед хэнд ч сонин биш. Төлөхгүй бол халаалт, халуун ус, цахилгааныг чинь шууд л тасалдаг.. Харин өөр нэг асуудал бол Сууц өмчлөгчдийн холбоо, ОСНААГ-ууд юм. Цахилгаан дулааны мөнгөө төлөөгүй тохиолдолд тухайн байрны халаалт дулааныг таслах нь зүйн хэрэг. Ийм тохиолдол ч цөөнгүй давтагддаг. Зэрэглэлээсээ хамаараад СӨХ-ууд нэг айлаас сард цахилгаан дулаанаас гадна зургаан орон тоогоор хэмжигдэх мөнгө авах нь ч бий. Гэтэл иргэдийн дунд халаалт тааруу гэсэн гомдол байсаар байгаа юм. Энэ талаар Орон сууц нийтийн аж ахуйн удирдах газраас тодрууллаа.

Иргэдээс ирж байгаа санал гомдлын тухайд ихэвчлэн тоотын гомдол буюу орон сууц хэсэгчлэн халахгүй байна гэж иргэд мэдээллэж байдаг. Харин "Улаанбаатар Дулааны шугам сүлжээ" ТӨХК-аас Хорооллоороо халаалтгүй болвол сүлжээнд гэмтэл гарсан гэсэн үг. Харин халаалт хэсэгчлэн алдагдвал байрны дотоод тохиргооны асуудал учир СӨХ, Орон сууцны контор, Хэрэглэгчдэд үйлчлэх төвийнхөнд хандах хэрэгтэй гэдгийг сануулж байгаа юм.