ХАР ТУГАЛГА НЬ ХҮНИЙ ЦУСАНД ОРСНООР ГЭМТ ХЭРЭГ ҮЙЛДЭХ МАГАДЛАЛЫГ ӨНДӨР БОЛГОДОГ

Агаар, орчны бохирдол утаанаас үүдэлтэйгээр хүүхдүүдийн цуснаас хар тугалга илэрсэн гэх мэдээлэл өнгөрсөн өвөл олон нийтэд хүрч байсан билээ. Тэгвэл дахин өвлийн улирал ирж байна. Хар тугалга нь хүний цусанд байснаас олон муу үр дагаваруудыг үзүүлдэг бөгөөд хүний сэтгэцэд нөлөөлж гэмт хэрэг үйлдэх сэдлийг бий болгодог байна.

/АШУҮИС/-ийн Нийгмийн эрүүл мэндийн сургуулийн Орчны эрүүл мэндийн тэнхим GoGo агентлаг хамтран Баянхошуу, Да хүрээ, Нарантуул, Хотын төв болон Зайсан гэсэн таван цэгээс хүүхдүүд сонгон авч, цусан дахь хар тугалгын хэмжээг тогтоох судалгааг хийсэн билээ. Шинжилгээний дүнд хүүхдийн цусанд огт байх ёсгүй хар тугалганы агууламж ихээр илэрсэн байна.

Шинжилгээний үр дүнгээр Баянхошуу орчимд амьдардаг хүүхдүүдийн цусан дахь хар тугалганы хэмжээ 15.9-22.6 мкг/дл, Техникийн зах орчимд амьдардаг хүүхдүүдийн цуснаас хар тугалганы хэмжээ ихээр илэрсэн. Дахин өвлийн улирал эхэлж агаар орчны бохирдлоос үүдэлтэйгээр хар тугалганы хэмжээ нь нэмэгдэж хичнээн хүүхэд эрүүл мэндээрээ хохирч үлдэхийг хэн ч таашгүй бизээ.