ГУРВАН САЙДЫН ТУШААЛААР ШҮҮХ ЭМНЭЛЭГ ХҮҮХДЭД ТӨЛБӨРТЭЙ ҮЙЛЧИЛДЭГ

Таван настай охиныг хойд эцэг нь хүчиндсэн тухай мэдээлэл өнгөрсөн амралтын өдөр буюу аравдугаар сарын 14-ний өдөр олон нийтийн сүлжээгээр цацагдсан юм. Охиныг төрийн хамгаалалтад авч, хэргийг хуулийн байгууллага шалгаж байгаа. Хэрэг гарсан даруйд охиныг Шүүхийн шинжилгээний үндэсний хүрээлэнд аваачсан ч 10 мянган төгрөгийн хураамжаа төлж байж шинжилгээнд оруулна хэмээн хүлээн аваагүй юм.

Бидний олж мэдсэнээр, таван настай хохирогч охиныг ээж нь гурван сарын өмнө самарт явахаар гарахдаа төрсөн дүүдээ үлдээжээ. Харин охиныг авч үлдсэн дүү нь эгчийгээ холбоо барихгүй удахаар нь охиныг нь тээр шааж, өмнө нь эгчтэй нь хамт амьдарч байсан эрэгтэйд буюу хойд аавд нь өнгөрсөн долоо хоногт хүргэж өгсөн байна. Хохирогч охин, түүний ээж, нагац эгч нь бүгд Баянгол дүүргийн харьяат. Харин бяцхан охиныг хүчирхийлсэн гэмт этгээд орцны жижүүр хийдэг, Баянзүрх дүүргийн тавдугаар хороо, “Монель" орчимд амьдардаг гэнэ. Хэрэг гэмт этгээдийнд болжээ. Өнөөдрийн байдлаар охиныг төрийн хамгаалалтад авч хуулийн байгууллага шалгаж байгаа юм. Охиныг Баянзүрх дүүргийн Хүүхэд хамгааллын мэргэжилтэн Золзаяа хариуцаж эмнэлгийн байгууллагад хандаж байгаа юм байна. Бид утсаар тодруулга авсныгаа одоо хүргэе.

Охиныг төрийн хамгаалалтад авч, хэргийг хуулийн байгууллага шалгаж байгаа. Хэрэг гарсан даруйд охиныг Шүүхийн шинжилгээний үндэсний хүрээлэнд аваачсан ч 10 мянган төгрөгийн хураамжаа төлж байж шинжилгээнд оруулна хэмээн хүлээн аваагүй талаар уг эмнэлэгт байсан залуу мэдээлсэн. Тэрээр хураамжийн мөнгийг нь төлж, охиныг шинжилгээнд хамруулсан тухай цахим хуудаснаа бичсэн байсан юм. Тиймээс энэ бүх асуудлаар Шүүхийн шинжилгээний Үндэсний хүрээлэнгээс хэвлэлийн бага хурал зарласан. Гэвч тэд телевизийн зураглаач нарыг оруулагүй, нэг ч зураг дарах бичлэг хийхийг хориглон Сэтгүүлч нарт дараах тайлбарыг өгсөн юм. Эн нь Эрүүл мэндийн сайд, Хууль зүй дотоод хэргийн сайд, Сангийн сайдын хамтарсан тушаалаар шүүхийн шинжилгээний үндэсний хүрээлэн 10-н төгрөгний төлбөрөө төлөхгүй бол хэнд ч үйлчилдэггүй гэнээ. Уг нь хүүхэд 16 нас хүртлээ эрүүл мэндийн даатгалаар эмнэлгийн бүх төрлийн үйлчилгээг үнэ төлбөргүй авах эрхтэй гээд хуулиндаа заачихсан байдаг. Гэтэл энэ заалт шүүх эмнэлэг дээр л хэрэгждэггүй гэнэ дээ. Шүүх эмнэлгийнхэн тэр хуулийнхаа дагуу л хүүхдээс мөнгө нэхсэн болж байна.

Таван настай охины амссан зовлонг 2016 онд 298 хүүхэд амссан. Манайд 5 настай охин хүчиндүүлчихлээ гээд очиход мөнгөө өг гээд нэхээд суух хэмжээний ёс зүйтэй хүн л шүүх эмнэлэгт ажиллаж байна.