ЯЛ ЭДЭЛЖ БАЙСАН ХҮНИЙГ УБТЗ-ЫН УДИРДАХ АЛБАН ТУШААЛД ТОМИЛЖЭЭ

Авлигтай тэмцэх газрын Олон нийтийн зөвлөл мэдээлэл хийж байна. Уг зөвлөлд иргэдийн зүгээс цөөнгүй өргөдөл гомдол ирүүлсэн бөгөөд хамгийн олны анхаарал татсан нэг асуудал нь УБТЗ-ын удирдлагуудтай холбоотой асуудал байсан талаар тус газрын дарга Г.Баасан мэдээллэсэн юм. Тодруулбал, тус байгууллагын удирдлагуудыг томилохдоо ашиг сонирхолын зөрчилгүй гэх тодорхойлолтыг гаргаагүйн дээр ял эдэлж байсан хүмүүс ажиллаж байсан нь тогтоогдсон байна.

АТГ-аас энэ асуудалд анхаарал хандуулж тэдгээр хүнийг халах шийдвэр гаргажээ. Харин энэхүү шийдвэрийн хэрэгжилтэд хяналт тавьж өчигдөр шалгалт хийхэд тэдгээр албан тушаалтнуудыг орлогч болгон албан тушаалыг бууруулсан зөрчил илэрсэн байна.