ХУУЛЬЧИД ИХ ХУРЛАА ХИЙНЭ

Монголын Хуульчдын холбоо гуравдугаар их хурлаа энэ сарын 28-ны өдөр хийхээр болжээ. Хуульчийн эрх зүйн байдлын тухай хуульд зааснаар бол Хуульчдын их хурлыг хоёр жилд нэг удаа хуралдуулах ёстой юм.

Тэд уг хурлаараа,

Монголын Хуульчдын холбооны зөвлөлийн үйл ажиллагааны тайлан,

Монголын Хуульчдын холбооны хяналтын зөвлөлөөс хэрэгжүүлсэн хяналт шалгалтын үйл ажиллагааны тайлан,

Монголын Хуульчдын холбооны ерөнхийлөгч Б.Гүнбилэгийн бүрэн эрхийн хугацаанд хийж гүйцэтгэсэн ажлын мэдээлэл,

Монголын Хуульчдын холбооны дүрэм болон Хуульчийн мэргэжлийн үйл ажиллагаанд баримтлах дүрэмд оруулах нэмэлт, өөрчлөлтийн төслийг хэлэлцэж, батлах. Мөн 'Хуульчийн эрх зүйн байдлын тухай хууль, түүний хэрэгжилт' сэдвийн хүрээнд илтгэл, хэлэлцүүлэг хийх, Монголын Хуульчдын холбооны ерөнхийлөгчийг сонгох, чөлөөлөх асуудал багтжээ.

Хуульчдын их хурлын төлөөлөгчдийн 40 хувь нь өмгөөлөгч, 40 хувь нь шүүгч, прокурор, 20 хувь нь бусад хуульчдын төлөөлөл байх аж. Харин Их хурлын төлөөлөгчийг сонгох цахим сонгуулийн ажиллагааг энэ сарын 11-17-нд явуулах юм байна.